4:10-15

Ne a Zeova sõngre, a Moyiiz tõog n basa a rabeemã. Yam-bʋg la d tõe n dɩk a Zeova ne a Moyiiz sõsgã pʋgẽ?

• D pa tog n tagsd bũmb nins d sẽn pa tõe n maanã yell n tɩ yɩɩd ye

• D tõe n basa d yam t’a Zeova na n kõ-d-la bũmb nins fãa sẽn yaa tɩlɛ ne-dã, tɩ d tõog n tʋm tʋʋm nins a sẽn kõ-dã

• D sã n tẽed Wẽnnaam, yaa rẽ la ninsaal zoeesã tɩɩm

A Zeova wa n kõo a Moyiiz tʋʋmde, t’a ra sãmbd a sã n na n tõoga tʋʋmdã. (Yik. 4:10, 13) A buud zoe n paama yãmb bɩ? Yãmb nan zãmsda Biiblã ne a Zeova Kaset rãmbã bɩ? Y sokda y meng y sã n na n wa tõog n moona koɛɛgã zak-zak bɩ? Tõe me tɩ y yaa bi-bɩɩg sẽn yɛɛsd n pa rat n moon koɛɛgã lekollẽ wã, pa rẽ bɩ y yɛɛsdame n pa rat n moon koɛɛgã zãma zĩisẽ, wall ne telefõn ye. Pʋʋs-y-yã a Zeova n kos-a a vʋʋsem sõngã. (1 Pɩy. 4:11) Bas-y y yam t’a Zeova na n kõo yãmb bũmb nins fãa sẽn yaa tɩlɛ wã, tɩ y tõog n tʋm tʋʋmd ning fãa a sẽn kõ-yã.—Yik. 4:11, 12.