Yãmb tõe n moona koɛɛgã, la y zãms nebã Biiblã

A Zeova wa n kõo a Moyiiz tʋʋmde, t’a ra sãmbd a sã n na n tõoga tʋʋmdã. (Yik. 4:10, 13) A buud zoe n paama yãmb bɩ? Yãmb nan zãmsda Biiblã ne a Zeova Kaset rãmbã bɩ? Y sokda y meng y sã n na n wa tõog n moona koɛɛgã zak-zak bɩ? Tõe me tɩ y yaa bi-bɩɩg sẽn yɛɛsd n pa rat n moon koɛɛgã lekollẽ wã, pa rẽ bɩ y yɛɛsdame n pa rat n moon koɛɛgã zãma zĩisẽ, wall ne telefõn ye. Pʋʋs-y-yã a Zeova n kos-a a vʋʋsem sõngã. (1 Pɩy. 4:11) Bas-y y yam t’a Zeova na n kõo yãmb bũmb nins fãa sẽn yaa tɩlɛ wã, tɩ y tõog n tʋm tʋʋmd ning fãa a sẽn kõ-yã.—Yik. 4:11, 12.

GES-Y VIDEO WÃ: TALL-Y RAOODO. . . KOE-MOONDBÃ. RẼ POOR BƖ Y LEOK SOGSGÃ:

• Zu-loe-bʋg la saam-bi-poak a Aoyama paam-yã?

• Yɛ la a paam raood kengr la pãnga?—Zer. 20:7-9.

• A sẽn tʋm a Zeova tʋʋmdã n paasã, naf-a-la wãn to?

• Zu-loe-bʋs la a Zeova tõe n sõng-y tɩ y tõog n mao ne koe-moonegã pʋgẽ?