D SẼN BÃNG BIIBLÃ KARENG PƲGẼ | ZEREMI 51-52
A Zeova gomd fãa pidsda kɛpɩ
A Zeova pĩnd n togsa yɛl tɩ sɩd pids kɛpɩ
Tãb-tãood sẽn yaa Pɛrs rĩmã gũuda
“Sɩls-y y pɛɛmã”
Meed ne Pɛrs nebã ra mii tãp tãoob sõma. Tãpã yaa zab-teoog ning b sẽn da nong n yɩɩda. B ra sɩlsda b pɛɛmã sẽn na yɩl tɩ b sã n tão bũmb bɩ kẽ sõma.
‘Babilond gãndaadã basa zabr n zĩẽ’
Kugr ning zug b sẽn gʋls a Naboniid kibarã b yeelame: “A Sirus sodaasã kẽe Babilond tɩ pa tũ ne zabr ye.” Woto rat n yeelame tɩ sodaasã pa paam n zab ne taaba, tɩ rẽ zems ne a Zeremi sẽn da pĩnd n togsã.
Kugr ning zug b sẽn gʋls a Naboniid kibar
“Babilond na n lebga kug-rʋre, . . . la ned kõn leb n zĩnd a pʋgẽ ye”
Yʋʋmd 539 sẽn deng a Zeezi rogmã, Babilond pãngã sɩnga boogre. A Alɛgsãndr le Gãrã ra ratame tɩ Babilond lebg a soolmã na-tẽnga, la a tiig n maana kaalem. Pipi kiris-nebã wakate, zʋɩf-rãmb kẽer n da ket Babilond soolmã pʋgẽ, tɩ tʋm-tʋmd a Pɩyɛɛr kẽng n na n tɩ kaag-ba. La yʋʋm kobs-tãab soabã baasgẽ, tẽngã lebga raboogo, tɩ ned pa le tõe n zĩnd be ye.