Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
  • gt sak 130
  • Galile Mogrẽ wã

Video pa be zĩ-kãngã ye.

Video wã pa tõog n yi ye.

  • Galile Mogrẽ wã
  • Zãmaan fãa nin-kãseng sẽn ka to
  • Bũmb sẽn wõnd woto
  • A Zeezi bee Galɩle mogrã noore
    A Zeezi yaa sore, la sɩda, la vɩɩm
  • A Zeezi vẽnega a meng tɩ zĩm-yõgdb yã-a
    Biiblã kibay kõta yam
  • A basa rabeem la sãmbse
    Tall-y b tẽebã buudu
  • A zãmsa sugr kũun a Zu-soabã nengẽ
    Tall-y b tẽebã buudu
Bũmb a taaba
Zãmaan fãa nin-kãseng sẽn ka to
gt sak 130

Sak 130

Galile Mogrẽ wã

MASÃ tʋm-tʋmdbã lebg n kẽnga Galile, wa a Zezi sẽn da kõ-b noor tɩ b maanã. La b ra ka mi b sẽn segd n maan bũmb ning be ye. La a Pɩɛɛr wa n yeela a Toma, a Natanayɛll, a Zak ne a ba-biig a Zã, n paas tʋm-tʋmdb a yiib a taab woto: “Mam dabda zĩm yõgbo.”

Tɩ tʋm-tʋmdb a yoobã leoke: “Tõnd me na n tũu foom.”

B maana yʋng tõr n ka tõog n yõk bũmb ye. La zĩigã sẽn wa n yẽegã, a Zezi puka mogrã noore, la tʋm-tʋmdbã ka bãng tɩ ra ya a Zezi ye. A tool n sokame: “Kamba, yãmb ka paam dɩɩb la?”

Tɩ b zĩnd koomẽ wã n tool n leok tɩ “ayo.”

Dẽ a Zezi yeelame: “Bɩ y lob zĩm gãmbra koglga rɩtg tɩ y na paam zĩma.” La b sẽn lobã b ka tõog n leb n tak zĩm gãmbrã ye, zĩma sẽn da yaa wʋsg keelem.

T’a Zã zẽk a koɛɛg n yeele: “Yaa Zusoabã.”

A Pɩɛɛr sẽn wʋm dẽ a yeelga a zugẽ fuugã a sẽn da pidgã, n sẽb a sẽbdgã, n yɩk n lʋɩ koomã pʋga. Rẽ poore a ruga sẽn zems metr pis-wɛ n ta kʋɩl-koakã. Tʋm-tʋmdb a taabã taka zĩm gãmbrã sẽn pid ne zĩma n pʋgl ne kogl-bilã.

B sẽn ta mogrã noorã, b yãa zĩm sẽn dog bug-saala, la buri. T’a Zezi yeele: “Yãk-y zĩma yãmb sẽn yõgã n wa.” A Pɩɛɛr kẽe koom koglgã pʋgẽ, n vuug zĩm gãmbrã n yiisi. Zĩm bɛd 153 n da be a pʋgẽ!

Dẽ, a Zezi yeel-b lame: “Wa n dɩ-y-yã.”

La bãmb ned ba a yembr da ka tar daood n na n sok tɩ “yãmb yaa ãnda?” ye, bala b fãa ra miimi tɩ ya a Zezi. Woto yaa naoor a yopoe soab a Zezi sẽn puk a vʋʋgrã poore, la naoor a tãab soab a sẽn vẽneg a meng ne tʋm-tʋmdbã b sẽn naag taab wakate. Masã a kõo ned kam fãa bur ne zĩm tɩ b sok b noore.

B sẽn dɩ n sa wã, a Zezi tool n gesa zĩma b sẽn da yõg wʋsgã, n sok a Pɩɛɛre: “Sɩmo, [a] Zã biiga, fo nonga maam n yɩɩd bãmba bɩ?” (Sebr Sõngo) Sãmbg sẽn ka be a sokrã võor yaa woto: Fo nonga zĩma yẽeb n yɩɩd tʋʋmd ning mam sẽn segl foom tɩ f maanã bɩ?

T’a Pɩɛɛr leoke: “Yãmb mi tɩ mam nonga yãmba.”

Dẽ a Zezi yeel-a lame: “Gʋʋl mam pe-bi wã.”

A leb n sok-a-la naoor a yiib-n-soab woto: “Sɩmo, a Zã biiga, fo nonga maam bɩ?”

T’a leok ne pʋ-peelem: “N-ye, Zusoaba, yãmb miimi tɩ mam nonga yãmba.”

T’a Zezi leb n kõ-a no-kãngã: “Gʋʋl mam piisã.”

A leb n baas n sok-a-la naoor a tãab-n-soab woto: “Sɩmo, a Zã biiga, fo nonga maam bɩ?”

Masã a Pɩɛɛr sũur da sãamame. Tõe t’a ra sãmbda a Zezi sã n ka maand yam-yoog ne yẽ burkĩndlmã. Tɩ bõe, sẽn pa kaoose, a Pɩɛɛr kɩɩsa naoor a tã t’a ka mi a Zezi, b sẽn da wa n bʋʋd-a n na n kʋ wã wakate. Dẽ a Pɩɛɛr yeelame: “Zusoaba, yãmb mii bũmb fãa. La yãmb miimi tɩ mam nonga yãmba.”

Dẽ n so t’a Zezi kõ-a noor naoor a tãab-n-soab woto: “Gʋʋl mam piisã.”

A Zezi ra tũnugda ne a Pɩɛɛr sẽn na yɩl tɩ tʋm-tʋmdb a taabã ning tʋʋmd ning a sẽn dat tɩ b maanã b yamẽ vẽenega. Ra pa na n kaoos la a yi tẽng zug ye, dẽ n so t’a ra rat tɩ b lʋɩ taoor n tʋm n sõng neb nins sẽn na n wa Wẽnnaam bãgrã pʋgẽ wã.

B sẽba a Zezi n tɩ kʋ tʋʋmd ning Wẽnnaam sẽn kõ-a t’a maanã yĩnga. A Zezi vẽneg n togsame tɩ woto buud me n na n wa paam a Pɩɛɛre. A yeela a Pɩɛɛr woto: “Fo sẽn da yaa yãagã, yaa fo meng n da sẽbd f sẽbdga n kẽnd f sẽn datẽ. La fo sã n kʋʋle, fo na n tuda f nus tɩ ned a to sẽb foom n tall n kẽng zĩig ninga fo sẽn ka rata.” Baa b sẽn na n wa kʋ a Pɩɛɛr a tẽebã yĩngã, a Zezi sagl-a-la woto: ‘Kell n tũ maam.’

A Pɩɛɛr wẽnemd n gesa a Zã, n sok a Zezi: “Zusoaba, dao kãnga yell na n yɩɩ wãn-wãna?”

T’a Zezi leok-a: “Mam sã n dat tɩ yẽ kaoos hal tɩ mam wa, fo toor bee be bɩ? Fo wee n tũ maam bala.” Karen-biis wʋsg wa n tagsame t’a Zezi gom-kãngã rat n wilgame tɩ tʋm-tʋmd a Zã ka na n tol n ki ye. La wa tʋm-tʋmd a Zã sẽn wa n yeel kaoosg zugẽ wã, a Zezi ra ka yet tɩ yẽ ka na n tol n ki ye, a ra yeta woto bala: “Mam sã n dat tɩ yẽ kaoos hal tɩ mam wa, fo toor bee be bɩ?”

A Zã leb n togsa gom-kãngã võor sẽn tagem wʋsgã: “La bũmb wʋsg keta a Zezi sẽn da maane. B sã n gʋls bãmb fãa yembr-yembre, mam tẽedame tɩ dũniyã ka na n yã weer n deeg sɛb nins b sẽn na n gʋlsa ye.” Zã 21:1-25; Matɩe 26:32; 28:7, 10.

▪ Bõe n wilgd tɩ tʋm-tʋmdbã ra ka mi b sẽn segd n maan bũmb ning Galile?

▪ Wãn to la tʋm-tʋmdbã bãng a Zezi Galile Mogrẽ wã?

▪ A Zezi vʋʋgrã tɛka, naoor a wãn la a puk-yã?

▪ Wãn-wãn la a Zezi wilg bũmb ning a sẽn dat tɩ tʋm-tʋmdbã maanã vẽenega?

▪ Wãn to la a Zezi wilg a Pɩɛɛr sẽn na n wa ki to-to?

▪ A Zezi yeelame tɩ bõe a Zã wɛɛngẽ tɩ karen-biis wʋsg ka wʋm dẽ võore?

    Moorã Sɛba (1991-2025)
    Pag-y
    Pak-y
    • Moore
    • Toole
    • Y sẽn date
    • Copyright © 2025 Watch Tower Bible and Tract Society of Pennsylvania
    • Y sẽn segd n sake
    • Noy d sẽn tũudi
    • Paramètres de confidentialité
    • JW.ORG
    • Pak-y
    Toole