Yɩɩll 76
Wẽnnaam a Zeova yaa laafɩ soaba
B sẽn ẽnprimi
1. Zeova, laafɩ soaba,
fo nonglem kõn tol n sa.
Bɩ f kõ tõnd laafɩ la bãane,
tɩ d kell n tʋm tʋʋm-sõma.
Tõnd tũuda f saglesã.
Fo Biigã kii tõnd yĩnga.
Zeova kõ tõnd fo laafɩ wã
sẽn yɩɩd ninsaal tagsa wã.
2. Dũnyã nebã baooda
laafɩ la bãan n kongdẽ.
La laafɩ wã yaa wa meenem,
sẽn sigd f nebã zugu.
Tõnd sẽn bãng fo raabã,
la d pidsid tõnd pʋlengã,
bɩ f ning tõnd fãa modgrã barka,
la f kõ tõnd laafɩ wʋsgo.
3. Fo meng vʋʋsem sõngã
la f Gomdã sõngda tõndo.
Wiligda tõnd sor wakat fãa,
dũni sẽn yaa lik pʋgẽ.
Bɩ fo meng laafɩ wã
sẽn yaa wa meenemã bʋk tõnd
sũyã la keng tõnd fãa raoodo,
tɩ d ned kam fãa zĩnd bãane.
(Ges-y Yɩɩl 4:9; Fil. 4:6, 7; 1 Tes. 5:23.)