D gũus ne reezo sosiyo-rãmbã bẽdse

A YÕODÃ: Wa tʋʋm-teed a taabã, reezo sosiyo-rãmbã tõe n sõnga neda, wall maan-a wẽnga. Kiris-neb kẽer yãka yam n pa tʋmd ne reezo sosiyo-rãmbã ye. Sãnda yẽ tũnugda ne-ba, n paamd b roagdb la b zo-rãmb kibaya. La a Sʋɩtãan ratame tɩ d tʋmd ne reezo sosiyo-rãmbã n pa gũusdẽ, tɩ sãam d yʋʋr la d tẽebã. Wa a Zeezi, Biiblã sagls tõe n sõng-d lame tɩ d bãng reezo sosiyo-rãmbã bẽdse, la d gil-ba.—Luk 4:4, 8, 12.

BẼDS D SẼN SEGD N GILI:

• Tʋm ne reezo sosiyo-rãmbã tɩ loog noore. Kiris-ned sã n tʋmd ne reezo sosiyo-rãmbã tɩ loog noore, tõe n kɩtame t’a pa le tar sẽk n tʋmd a Zeova tʋʋmã ye.

  Biiblã saglse: Efɛ. 5:15, 16; Fili. 1:10

• Imaaz-rãmb la yɛl a taab sẽn pa sõma gesgo. Kiris-ned sã n get imaaz-rãmb sẽn pa sõma, tõe n kɩtame t’a wa get yoobã yɛl n pa le tõe n base, wall a yo. A sã n karemd sɩdã kɩɩsdb sɛb la a get b video-rãmb ẽntɛrnetã pʋgẽ, tõe n sãama a tẽebã.

  Biiblã saglse: Mat. 5:28; Fili. 4:8

• Fot-rãmb sẽn pa sõma ningri, la goam sẽn pa sõma: Ninsaal sũur sẽn tõe n zãmb-a wã, nina tõe n wa tudg n goma goam sẽn pa sõma wall a ning fot-rãmb sẽn pa sõma reezo sosiyo-rãmbã pʋsẽ. La rẽ tõe n sãama ned yʋʋre, wall koms a to tẽebo.

  Biiblã saglse: Rom. 14:13; Efɛ. 4:29

GES-Y VIDEO WÃ: GŨUS NE RÉSEAUX SOCIAUX RÃMBÃ. RẼ POOR BƖ Y WILG Y SẼN TÕE N GIL YEL-KÃENSÃ: