“Wẽnnaam yaa nonglem”

1. Wẽnnaam yaa nonglem

la a raabã yaa tɩ tõnd me tall nonglem.

Tõnd sã n nong Wẽnnaam la d taabã,

tõnd na n tʋmda tʋʋm-sõma.

Woto la vɩɩmã yɩt noogo,

la yaa woto la d rata.

Tõnd sã n nong nebã wa Krisã,

tõnd na n wilga rẽ daar fãa.

2. Tõnd sã n nong Wẽnnaam ne d sũur fãa,

d na n nonga nebã me.

Bũmb sã n wa kɩt tɩ tõnd konge,

Wẽnnaam na n sõnga tõndo.

Nonglem pa mi sũ-kiir lae-lae,

nonglem tõogda toog buud fãa.

Bɩ d modg n nong d saam-biisã,

tɩ d na paam Wẽnnaam barkã.

3. Bɩ d ra sak tɩ yam-wẽng kẽ-do,

tɩ d wa maan sẽn pa zems ye.

D teeg Wẽnnaam t’a sõng tõndo,

tɩ d tũ a noor ning sẽn yet tɩ:

Nong Wẽnnaam la f nong f taabã,

tɩ nonglem hakɩɩk la rẽ.

Bɩ d nong tõnd taabã wakat fãa,

wa Wẽnnaam sẽn nong tõndã.