SAK 11

Gomd-y ne yẽesem

Tʋʋma 18:24, 25

Y SẼN NA N BÃNGE: Gom-y ne yẽesem, tɩ kẽ kɛlgdbã sũuri, tɩ b rat n tũ y sẽn yeelã.

Y goamã tog n yita y sũurẽ. Y sã n wa segend y sõsgã, tags-y koɛɛg ning y sẽn dat n taasã yõod sẽn ta zĩig ningã zugu. Bao-y n bãng-y bũmb ning y sẽn na n yeelã sõma. Rẽ, nebã na n yãame tɩ y goamã yita y sũurẽ.
Tags-y kɛlgdbã yelle. Tags-y bũmb ning y sẽn na n yeelã sẽn na n naf neb a taabã to-to wã. Bao-y n bãng-y y sẽn na n togs rẽ to-to tɩ naf-ba.
Y sõsgã sasa, ra maan-y laas-laas ye. Gom-y ne yẽesem. Y sẽn bilsd ne y nusã to-to wã la y nengã tog n wilga y tagsg sẽn yaa a soab koɛɛg ning y sẽn taasdã zugu.

Gũus-y n da lobd-y y nusã yaare, tɩ lebg wa robo ye. Modg-y tɩ y nusã bilsg tũud y sẽn yetã. Gom-y ne yẽesem, sẽn yɩɩd fãa y sã n wa rat n togs bũmb ning y sẽn dat tɩ kɛlgdbã tẽege, la sõng-b tɩ b tũ y sẽn yetã. Ra tall-y yẽesem sẽn loog noor y sõsgã fãa pʋgẽ ye. Sã n pa rẽ kɛlgdbã yam na n yii y sõsgã.