YƖƖLL 73
Sõng-d tɩ d paam raoodo
(Tʋʋmã 4:29)
1. Zeova, tõnd moonda fo Rĩungã.
Tõnd yaa fo kaset rãmba.
La neb wʋseg kisa tõndo.
B rat n komsa d raoodo.
Tõnd pa na n zoe ninsaal ye.
Yaa foo bal la d tog n sake.
Rẽ n so tɩ d kot fo vʋʋsem sõngã.
Zeova tõnd Ba reeg tõnd kosgã.
(REESGO)
Kõ tõnd raood tɩ d moon koe-noogã.
Sõng-d tɩ d bas rabeemã.
Tɩ d gom ne yẽesem la raoodo,
tɩ dũn’yã nebã wʋme.
Armagedõ kolga wʋsgo.
La nand tɩ ra-kãngã sɩd ta,
kõ tõnd raood tɩ d moon koe-noogã.
Ad tõnd kosgã.
2. Rabeemã sã n wa tar tõndo,
fo miime tɩ d yaa tẽng tom.
Tõnd kɩsa sɩd tɩ f sõngda tõnd
wa fo sẽn pʋlem tõndã.
Keleg sẽn kis-b tõndã.
Keleg b goamã la b ziri wã.
Kõ tõnd raood tɩ d wɩng ne koe-moon’gã,
tɩ tõnd yaa fo kaset rãmba.
(REESGO)
Kõ tõnd raood tɩ d moon koe-noogã.
Sõng-d tɩ d bas rabeemã.
Tɩ d gom ne yẽesem la raoodo,
tɩ dũn’yã nebã wʋme.
Armagedõ kolga wʋsgo.
La nand tɩ ra-kãngã sɩd ta,
kõ tõnd raood tɩ d moon koe-noogã.
Ad tõnd kosgã.
(Ges-y 1 Tes. 2:2; Ebre. 10:35.)