SAK 12

Wilg-y kɛlgdbã tɩ b yell pak-y lame

1 Tesalonik rãmbã 2:7, 8

Y SẼN NA N BÃNGE: Modg-y tɩ y sẽn na n gom to-to wã wilg tɩ y rata kɛlgdbã neere, la tɩ y rat n sõng-b lame.

Tags-y kɛlgdbã yelle. Tẽeg-y zu-loees nins b sẽn paamdã yelle. Rẽ na n sõngame tɩ y segl y sẽn na n yeelã y sũurẽ. Mams-y y yamẽ zu-loeesã sẽn namsd-b to-to wã.
Yãk-y y gom-biisã ne gũusgu. Bao-y n paas-y kɛlgdbã raoodo, la y bels-ba. Ra togs-y goam sẽn na n paoog-b ye. Ra sãbs-y-ba, b sẽn pa tẽed a Zeova wã yĩnga, bɩ bũmb nins b sẽn tẽed ne b sũy fãa wã yĩng ye.
Wilg-y tɩ b yell pak-y lame. Y sã n bʋk y koɛɛgã la y bilsd ne y nusã tɩ zemse, y wilgdame tɩ kɛlgdbã yell pak-y lame. Modg-y tɩ y nengã wilg rẽ vẽenega. Mi n laad-y-yã.

Ra modg-y n maan-y bũmb y sẽn pa minim n maandẽ, wall y maan tɩ loog noor ye. Y sã n karemdẽ, ra maan-y tɩ yaa yãmb la nebã get ye. Karm-y tɩ kẽ kɛlgdbã sũyã. Sẽn na yɩl n paas y koɛɛgã noosem, y tõe n pʋta gom-biis kẽere. Wala makre, “m bõos tɩ,” “bɩ bõe?” “pa sɩda?” “yãmb pa ne?” “pa vẽeneg sɩda?”