Baasg goam sẽn yaa sõma

Koɛɛg soaba 12:13, 14

Y SẼN NA N BÃNGE: Y baasg goamã tog n kɩtame tɩ kɛlgdbã sak n deeg y sẽn yeelã, la b rat n tũ.

Y SẼN TÕE N MAAN TO-TO:

• Y baasg goamã ne y sẽn gom bũmb ning yellã segd n tũu taaba. Lebg-y n togs-y bũmb nins y sẽn dat tɩ kɛlgdbã tẽegã, la y sõsgã gom-zugu.

• Sõng-y kɛlgdbã tɩ b rat n tũ y sẽn yeelã. Wilg-y kɛlgdbã b sẽn tõe n maane, la bũmb ning sẽn kɩt tɩ b tog n maan dẽ wã. Y goamã segd n wilgame tɩ y kɩsa sɩd ne y sẽn yetã, la tɩ tara yõodo.

• Y baasg goamã segd n yɩɩ koɛɛga, t’a võorã yaa nana. Y pa segd n togs bũmb y sẽn pa reng n yeel y sõsgã pʋgẽ ye. Y baasg goamã segd n yɩɩ koɛɛga, la kɩt tɩ nebã rat n tũ b sẽn wʋmã.