D tall nonglem wa a Zeova

1. Wẽnnaam a Zeova soayã fãa yaa nonglem,

tɩ noom tõnd hal wʋsgo.

Tõnd yaa Wẽnd kamba, bɩ d tũ yẽ mak-sõngã,

n tall nonglem, nonglem wʋsgo.

A tʋma a Biigã, a sẽn nong ne a sũur fãa,

t’a wa ki d yĩnga, tɩ tõnd tõe n paam fãagre.

Sɩd yaa kaseto, t’a nonglem ka to ye.

Bɩ d tall nonglem, tɩ Wẽnd yaa nonglem.

2. Tõnd sã n tũud Wẽnnaam, d na n nonga taaba,

ne nonglem hakɩɩka.

D na n maoome n bao saam-biisã fãa zĩiga,

n nong bãmb fãa ne pʋ-peelem.

D pa tõe n yeele, tɩ tõnd nonga Wẽnnaam,

la d yaool n pa nong tõnd saam-biisã kẽer ye.

Bɩ d ges ned kam fãa wa tõnd zoa meng-menga,

la d kõt sugri: Nonglem yaa woto.

3. Tõnd sẽn yitẽ fãa, tõnd yaa Wẽnnaam kamba,

buud a ye, zak a ye.

Wẽnnaam datame tɩ d bool neb a taaba,

tɩ b wa naage, n zãms nonglem.

Neb nins sẽn watã na n paama sũ-noogo.

la b paam saam-biisi, sẽn sɩd nong-b wʋsgo.

Tõnd zems-n-taarã na n sɩd tẽega tõndo,

tɩ d Ba a Zeova yaa nonglem Wẽnnaam.