Yɩɩll 120
Kelg la f sake, n paam barka
1. Tõnd sã n wʋm a Zezi Krist gomd bɩ d sake.
A goam yaa vẽenem sẽn wilgid sore.
A kelgr la a sakrã fãa sɩd bee nafre,
la yaa d sã n sɩd tũ la d na n paam barka.
(REESGO)
Ned sã n taas foo Wẽnd gomde,
bɩ f kelg la f sak n tũ.
Fo sã n dat n paam a Zeova barkã,
bɩ f kelg la f sak n tũ.
2. Wa roog sẽn me kugr zug sẽn tar pãngã,
tõnd wẽn-sakrã me kogenda tõndo.
Tõnd sã n sɩd tũud a Zezi sẽn yeel tõndã,
tõnd vɩɩmã na n talla bark wakat fãa.
(REESGO)
Ned sã n taas foo Wẽnd gomde,
bɩ f kelg la f sak n tũ.
Fo sã n dat n paam a Zeova barkã,
bɩ f kelg la f sak n tũ.
3. Wa tɩɩg sẽn be koom noor sẽn yaa sõma wã,
sẽn womd a biis sõma wakat fãa wã,
tõnd me sã n sak d saasẽ Ba wã sõma,
d na n wa paama vɩɩm sẽn kõn sa wã.
(REESGO)
Ned sã n taas foo Wẽnd gomde,
bɩ f kelg la f sak n tũ.
Fo sã n dat n paam a Zeova barkã,
bɩ f kelg la f sak n tũ.
(Ges-y Tõo. 28:2; Yɩɩl 1:3; Yel. 10:22; Mat. 7:24-27.)