Wa-y tɩ y na paam tẽeb kengre

1. Tõnd vɩɩ dũni sẽn yaa wẽng wʋseg pʋgẽ,

tɩ nebã pa mi Wẽnnaam ye.

Sẽn na yɩl n bãng n maan sẽn yaa sõma,

tõnd rata Wẽnd sor-wiligri.

Tõnd tigissã kengda tõnd tẽebã sõma.

Sõngda tõnd tɩ d teeg a Zeova.

Sõngda tõnd tɩ d wɩng ne tʋʋm-neer maanego,

la d ket n maand woto daar fãa.

Tõnd kõn bas Wẽnnaam noyã tũub abada.

Tõnd ratame n maan yẽ raabã.

Tigissẽ wã, tõnd bãngda sẽn yaa sõma,

tɩ kɩt tɩ d nong sɩdã n paase.

2. A Zeova meng mii sẽn yaa tɩlae ne-dã.

D segd n deega yẽ goamã.

Tõnd sã n kell n wat tigissã wakat fãa,

yaa kaset tɩ d teega Wẽnnaam.

Tigingã kãsem-dãmb sõngda tõnd

tɩ d bãng tõnd sẽn tõe n wilg d tẽeb toto.

Tõnd tara tẽed-n-taas sẽn nong tõnd wʋsgo,

tɩ d miẽ tɩ tõnd pa d yembr ye.

Tõnd sẽn gũud dũni-paalg ning sẽn watã,

bɩ d tigimd ne d tẽed-n-taasã,

n paam yam ning sẽn yit Wẽnnaam nengẽ wã,

n tõog n zã d mensã sõma.