D keng taab raoodo

1. Tõnd sã n kenged taab raood wakat fãa

tɩ d fãa tũud a Zeova sõma,

tõnd nonglemã na n talla paasgo.

Tõnd na n tõog n zemsa taaba.

Nonglem sẽn be Wẽnd nebã sʋkã

sõngdame tɩ d fãa paam raoodo.

Tõnd tigingã yaa kogleg zĩiga.

Yaa zĩig tõnd yam sẽn gãe bãane.

2. Goam sẽn yaa sõma la sẽn zemse,

tõe n nooga ned sũur la bels-a.

Tõnd saam-biisã sẽn nong tõnd wʋsgã

gomda goam a woto buudu.

Tõnd sã n tʋmd ne tõnd tẽed-n-taasã,

yaa noog la sɩd be yamleoogo.

Tõnd rat n kenga taab raood sõma,

la d sõng ned fãa ne a zu-loeese.

3. Yɛlã fãa wiligda tõnd vẽenega,

t’a Zeova daarã ta n saame.

Tõnd tog n tigimda taab daar fãa

n sõng taab n tũ Wẽnd sorã.

Tõnd yaa a Zeova neb sẽn naag taaba,

n na n tũ yẽ tõnd yõor tɛka.

Bɩ tõnd fãa keng taab raood wakat fãa,

tɩ d fãa kell n tall burkĩndi.