D sak Wẽnnaam wakat fãa

1. D sak Wẽnnaam daar ne a to fãa,

n sɩd nong-a ne d sũur fãa.

Tõnd yaa neb nins sẽn kõ-d mense,

n dat n bãng yẽ noyã.

Wẽnd noyã yaa sõma ne-do,

tɩ tõnd rat n tũ-b daar fãa.

Yaa sɩd soaba tɩ d na n teeg-a.

Tõnd kõn bas yẽ abada.

2. Tõnd nonga tõnd saam-biisã fãa,

n sõngd-b wakat buud fãa.

Tõnd kɩsa sɩd ne-b wakat fãa,

d sɩd rata bãmb neere.

D waoogda tõnd saam-biisã fãa,

ne d no-goam la ne d tʋʋmã.

Bɩ d sak n tũ Biiblã goamã,

n nong taab wakat buud fãa.

3. Tõnd yel-gɛtbã sã n kõ-d saglse,

bɩ tõnd fãa tũ ne d sũur fãa.

B sã n togs tõnd bũmb ning vẽenega,

bɩ d yɩ tao-tao n sak n tũ.

Rẽ Wẽnnaam na ning tõnd barka,

tɩ tõnd fãa sũy yɩ noogo.

Bɩ d sak Wẽnnaam tõnd Ba a Zeova

n yɩ yẽ Kaset rãmba.