Yɩɩll 48
D kell n tũ a Zeova daar fãa
(Miise 6:8)
1. Tõnd bee d saasẽ Ba wã poorẽ.
Tõnd tũuda yẽ ne sik-m-menga.
Yaa lohorem meng la a sẽn maan neb nins
sẽn sak n tũud yẽ noyã.
Bũmb wʋseg la Wẽnnaam maan-yã,
tɩ tõnd tõe n gãd yẽ nugu.
Rẽ n so tɩ d rɩk d mens n kõ-a,
n na n zĩnd a poorẽ daar fãa.
2. Dũniyã sẽn koleg saabã,
tɩ Wẽnnaam na n kao nebã bʋʋdã,
nebã namsda tõnd hal wʋsgo,
tɩ tõnd tõe n koms raood rẽnda yĩnga.
La a Zeova na n sõnga tõndo.
Tõnd raab yaa d pa ne Wẽnnaam
n tõog n maan a raabã fãa,
la d nong-a ne tõnd sũurã fãa.
3. A Zeova sɩd sõnga tõndo,
ne a vʋʋsem sõngã la ne a Gomdã.
Tigissã me sõngda tõndo.
Tõnd kɩsa sɩd t’a wʋmda d pʋʋsgo.
Tõnd sẽn tũud Wẽnnaamã yĩnga,
a na n sõnga tõnd daar fãa,
tɩ d modg n maan nebã neere,
la d yɩ sik-m-mens rãmb daar fãa.
(Ges-y Sɩng. 5:24; 6:9; 1 Rĩm 2:3, 4.)