Sẽn na n põs-b dũniyã sɛɛb sasa wã na n paam n vɩɩmda tẽngã sẽn na n lebg arzãnã zugu.
Bõe la Biiblã yeta?
Tõnd bee dũniyã ‘yaoolem wakat’ bɩ?
Yãmb na n leokame. . .
tɩ n-ye
tɩ ayo
bɩ wõndame?
Biiblã sẽn yete
“Yaoolem wakate, tood na n zĩndame.” (2 Tɩmote 3:1) Biiblã bãngr-goamã sẽn pidsdã, n paas nebã yel-manesem sẽn yaa to-to rũndã-rũndã wã wilgdame tɩ d bee dũni-kãngã “yaoolem wakate.”
Rẽ wɛɛngẽ, bõe me la d tõe n bãng Biiblã pʋgẽ?
Yaoolem wakatã, zaba, kom, tẽn-digimds la bã-longds na n zĩndame.—Matye 24:3, 7; Luk 21:11.
Yaoolem wakatã, nebã yel-manesem na n lebga wẽng wʋsgo, tɩ wẽn-kɩɩsgã me paam pãnga.—2 Tɩmote 3:2-5.
Vɩɩmã na n yɩɩ wãn beoog-daare?
Neb kẽer tẽedame . . . tɩ Wẽnnaam na n sãama dũniyã ne nebã fãa yaoolem wakatã baasgẽ, tɩ sãnda saagdẽ tɩ yɛlã na n yolsame. La yãmb yẽ?
Biiblã sẽn yete
“Nin-tɩrsã na n sooga tẽngã, la b na n paa beenẽ wakat sẽn kõn sa.”—Yɩɩn-sõamyã 37:29.
Rẽ wɛɛngẽ, bõe me la d tõe n bãng Biiblã pʋgẽ?
Yaoolem wakatã baasgẽ, Wẽnnaam na n kɩtame tɩ wẽng buudã fãa sa.—1 Zã 2:17.
Rẽ poore, a na n kɩtame tɩ tẽngã fãa lebg arzãna.—Ezayi 35:1, 6.