Yɩɩll 44
D naag n kẽeb ne sũ-noogo
B sẽn ẽnprimi
1. Yaa masã la kẽebgã wakate,
woto yaa sũ-no-kãsenga.
Wẽnnaam malɛgsã la kẽebdbã,
la tõnd me naagame n tʋmdẽ.
A Zezi Krist meng n sɩng tʋʋmdã,
n kõ d ned kam fãa mak-sõngo.
La Wẽnnaam kõo sor tɩ d naag n tʋme.
Woto yaa zu-zẽkr n kõ-do.
2. Tõnd sẽn nong a Zeova la nebã,
kɩtame tɩ tõnd tʋmd wʋsgo.
Koe-moonegã la kẽebgã yaa yãgbo,
bala saabã sɩd ta n saame.
Tõnd sẽn yaa Wẽnnaam tʋmd-n-taasã,
tõnd tara sũ-noog hakɩka.
Bɩ d kell n wɩng ne tʋʋmdã hal t’a sa,
tɩ Wẽnnaam na ning-d barka.
(Ges-y Mat. 24:13; 1 Kor. 3:9; 2 Tɩm. 4:2.)