Sõmblmã

1. Tõnd sẽn bãng Wẽnnaam sõmblemã,

kõta tõnd sũ-noog daar fãa.

Yẽ la tõnd Ba sẽn be saasẽ.

A sẽn maand fãa yaa sõma.

A zoeta tõnd nimbãanega,

tɩ yɩɩd tõnd sẽn tog ne wã.

Yẽ bal n sɩd tog ne pẽgre.

Yaa yẽ bal la d na n waooge.

2. A naana tõnd a meng wẽnego.

Rẽ n so tɩ tõnd sã n mao bɩ

tõnd tõe n dɩk a togs-n-taare,

n yɩ nin-sõma daar fãa.

Bɩ d kos Wẽnnaam t’a sõng tõndo,

tɩ d paam zʋg-sõma wʋsgo,

tɩ kɩt tɩ d maan sẽn yaa sõma

wakat fãa tɩ nebã yã.

3. Bɩ d maan nebã buud fãa neere,

sẽn yɩɩd fãa tõnd saam-biisã.

Bãmb la d na n maan neer n yɩɩda,

la d sõng neb a taabã me.

Tõnd tog n moona koe-noogã

tɩ nebã buud fãa wʋme.

Bɩ d ra tol n bak ned baa a ye.

Bɩ d kell n yɩ nin-sõmyã.