Tõog toog n tãag saabã

1. Wẽnnaam kãab-noodã tõe n sõnga foo

tɩ f tõog toog buud fãa.

Bũmb nins fo sẽn zãms n bãngã

yaa sɩd la toga reegre.

Ning Wẽnnaam daarã fo yamẽ,

la f kell n tall tẽeb kãn-kãe.

Sak a Zeova baa toog pʋgẽ.

Rẽ na n kenga fo tẽebã.

2. Kell n tall fo pĩnd nonglemã.

Gũus t’a tõe n maagame.

Sẽn yaa yell ning fãa la f tara,

bɩ f kell n teeg a Zeova.

Sẽn yaa toog ning fãa la f paam-yã,

bɩ f nang pãng la f ra yɛɛs ye.

A Zeova meng na n sõnga foo.

A na n zĩnda ne-f daar fãa.

3. Sẽn na n tũ-b Wẽnd n tãag saabã

na n wa paama fãagre.

Bãmb yʋy bee vɩɩm sebrã pʋgẽ,

tɩ Wẽnnaam tẽr-b yelle.

Woto yĩnga, bɩ f tõog toogo,

la f sak Wẽnnaam wakat fãa.

Wẽnnaam na n ninga foo barka,

tɩ f paam sũ-noog hakɩka.