Kiris-ned rɩkda a meng n kõ Wẽnnaam

1. Tõnd Ba a Zeova naana tẽngã,

saasã la bũmba fãa.

Yaa yẽ la bũmba fãa soaala.

Fãa yaa yẽ nug-tʋʋma.

A naana bõn-vɩɩsã buud fãa,

n kõ-b vʋʋsem la vɩɩm,

tɩ woto wiligdẽ tɩ

yẽ bal la tõnd fãa tog n pʋʋse.

2. A Zezi meng reega lisgu,

n kõ tõnd mak-sõngo.

A pʋʋsa Wẽnnaam n yeel-a

t’a na n maana a raabã.

A sẽn yi Zʋrdẽ koomẽ wã,

n paam vʋʋsem sõngã,

a lebga Wẽnnaam sẽn zae a soabã,

n na n maan Wẽnnaam daabã.

3. Tõnd wata fo taoore Zeova,

n na n pẽg fo yʋʋrã.

Tõnd rɩka tõnd mensã n kõ foo,

n na n maan fo raabã.

Fo kõo tõnd fo meng Bi-yendã,

t’a yɩ maoong d yĩnga.

Tõnd pa vɩ tõnd mensã yĩng yɛs ye.

Tõnd saka kũum fo yĩnga.