D nong taab ne d sũur fãa

1. Nonglem tog n yita sũurẽ,

yaa be la nonglemã yẽgre.

Yaa saam-biir nonglem hakɩka,

saam-biisã fãa yĩnga.

Bũmb toor-toor la tõnd tõe n maane,

n wilig tɩ d nonga bãmba,

n dɩk Wẽnnaam togs-n-taare,

n nong nebã wʋsgo.

Bɩ d fãa wilg nonglemã,

ne tõnd no-goamã la ne d tʋʋmã.

Tõnd sã n wa paam weer buud fãa,

bɩ d maan nebã fãa neere.

Bɩ d wilig tɩ d waoogda nebã,

la d wilig tɩ d rata b neere.

Bɩ d ra ges saam-biig kongr ye.

Tõnd sã n nong d saam-biisã,

laafɩ na n zĩnda d sʋka.

2. Tõnd sã n nong nebã ne d sũur fãa,

d sũur kõn yik tao-tao ne-b ye.

Tõnd na n kɩsa sɩd wakat fãa

ne tõnd tẽed-n-taasã.

D na n talla zood hakɩka,

ne tigingã neb fãa gilli.

Tõnd tigimda ne sũ-noogo,

n kengd taab tẽebo.

Tõnd fãa kongda daar buud fãa,

tõnd goamã tõe n sãama ned sũuri.

Bɩ d modg n tall sũ-bʋgsem

ne neb nins Wẽnd sẽn nongã.

Bɩ tõnd yɩ zo-rãmb hakɩka,

la d modg n paased tõnd zoodã.

Bɩ d rɩk Wẽnnaam togs-n-taare,

n sɩd nong nebã buud fãa,

rẽ la Wẽnd yʋʋr paamd pẽgre.