D sũy nooma ne Wẽnnaam Gomdã

1. Zeova, tõnd saasẽ Ba, tõnd pʋʋsda barka.

Tõnd sũy nooma wʋsgo, fo sẽn kõ-d Biiblã!

Foo n yãk neb pĩnd wẽndẽ wã, n togs bãmb fo raabo.

Bãmb gʋlsa fo goamã, tõnd sõngr yĩnga.

2. Fo Gomdã karengo, tara yamleoogo.

Fo no-rɛɛsedbã me ra yɩɩ wa tõndo.

Bãmb kibayã kengda tẽeb la kõt tõnd fãa raoodo.

Kengda tõnd fãa pelse, la kõt sũ-noogo.

3. Biiblã goamã tõe n kẽe nebã sũy sõma,

hal n sɩd tõe n puk sẽn be ned fãa sũurẽ.

A tõe n kɩtame tɩ ned bãng a sẽn yaa a soaba.

A sagenda neda. A kõta ned yam.