Y tõe n paamame tɩ Wẽnnaam ges y yell wakat fãa yĩnga

• Yãmb rata ne y sũur fãa tɩ zabã ne nen-kɛglmã la bu-welsgã sa dũniyã zug bɩ?

• Yãmb raab la bãasã, namsgã la kũumã sa bɩ?

• Yãmb tʋlla ne y sũur fãa tɩ zu-loeesã la yɩɩrã sa bɩ?

• Yãmb raab yaa y wa vɩɩmd zĩig sabab-wẽns sẽn kaẽ bɩ?

D Wẽnnaamã sẽn yaa nonglem soaba, la a naan tẽngã t’a be rasãndã pʋlmame tɩ ãdem-biisã na n paama sũ-noog la laafɩ wakat fãa yĩnga. Woto pa belgr ye.

Sõss nins sẽn pʋgdã pʋgẽ, d na n bao n bãnga:

• D Naandã sẽn wilgd to-to t’a sɩd nong-d lame

• Wẽnnaam Gomdã sẽn sõngd tõnd tɩ d bãng bũmb ninga

• Wẽnnaam no-rɛɛsdbã sẽn yeel bũmb ning a sẽn pʋlem t’a na n maaname wã wɛɛngẽ

• Wẽnnaam sẽn tõe n sõng-d to-to tɩ d paam sũ-noog hakɩɩk masã menga, la wakat sẽn kõn sa

Bɩ d reng n ges bũmb nins Wẽnnaam sẽn maan tɩ wilgd t’a sɩd nong-d lame wã.