Kibare

A wilgame t’a zoeta ned buud fãa nimbãanega

Daar a ye, Nuvɛll Zelãnd saam-bi-poak n kẽ jw.org n ges video tɩ kẽ-a sõma. Video wã pʋgẽ, b yeelame t’a Zeova pa zoet nebã nimbãaneg bal ye. A maanda bũmb n wilgd rẽ. (Eza. 63:7-9) Saam-bi-poakã yãka yam n na n maan bũmb takɩ n sõng neda, n wilg t’a tũuda bũmb ning a sẽn bãngã. Daar-n-kãng bala, a sẽn wa n daad zẽedo a yãa pag sẽn pa tar roog n gãeya. A yeela pagã t’a na n daa rɩɩb n kõ-a, tɩ pagã sake. Saam-bi-poakã sẽn lebg n wa ne rɩɩbã, a tũnuga ne Namsgã na n wa saame bɩ? seb-vãoogã n moon pagã koɛɛg-koɛɛga.

Zĩig pʋgẽ pagã sɩnga yãbre. A yeelame t’a roagdbã ra yaa a Zeova Kaset rãmba, la yẽ pa sak sɩdã ye. La tɩ rasmã noorã a sɩnga a Zeova pʋʋsgo, n kotẽ t’a sõng-a t’a lebg n wa a nengẽ. Saam-bi-poakã kõo pagã Biible, t’a sak n na n zãms Biiblã.a

D tõe n dɩka a Zeova togs-n-taar n wilgdẽ tɩ d zoeta nebã nimbãanega, wala makre neb nins d sẽn kĩ ne wã la d tẽed-n-taasã. Sẽn paase d tõe n baoo segb buud fãa n moon koɛɛgã, n wilg tɩ d zoeta d taabã nimbãanega.