Ġenesi

47 Għaldaqstant, Ġużeppi ġie jagħti l-​aħbar lill-​Fargħun u qallu:+ “Missieri u ħuti ġew mill-​art taʼ Kangħan bl-​imrieħel tan-​nagħaġ u tal-​baqar tagħhom u b’kulma għandhom, u qegħdin fl-​art taʼ Gosen.”+ 2 U minn ħutu kollha ħa ħamest irġiel, biex jippreżentahom lill-​Fargħun.+

3 U l-​Fargħun qal lil ħutu: “X’inhu xogħolkom?”+ Għalhekk, qalu lill-​Fargħun: “Il-​qaddejja tiegħek huma rgħajja tan-​nagħaġ,+ kemm aħna u kemm missirijietna.”+ 4 Imbagħad qalu lill-​Fargħun: “Aħna ġejna ngħammru bħala barranin f’din l-​art,+ għaliex m’hemmx mergħa għall-​merħla li għandhom il-​qaddejja tiegħek,+ għax il-​ġuħ hu kbir fl-​art taʼ Kangħan.+ U issa, jekk jogħġbok, ħa jgħammru l-​qaddejja tiegħek fl-​art taʼ Gosen.”+ 5 U l-​Fargħun qal lil Ġużeppi: “Missierek u ħutek ġew hawnhekk għandek. 6 L-art taʼ l-​Eġittu qiegħda kollha quddiemek.+ Agħti lil missierek u lil ħutek l-​aħjarnett taʼ l-​art biex jgħammru hemm.+ Ħa jgħammru fl-​art taʼ Gosen,+ u jekk taf li hemm irġiel taʼ ħila fosthom,+ aħtarhom kapijiet taʼ l-​imrieħel li huma tiegħi.”+

7 Imbagħad Ġużeppi daħħal lil missieru Ġakobb u introduċieh lill-​Fargħun, u Ġakobb bierek lill-​Fargħun.+ 8 Il-Fargħun issa qal lil Ġakobb: “Kemm huma l-​jiem tas-​snin taʼ ħajtek?” 9 Għalhekk, Ġakobb qal lill-​Fargħun: “Il-​jiem tas-​snin li għext bħala barrani huma mija u tletin sena.+ Ftit u taʼ niket kienu l-​jiem tas-​snin taʼ ħajti,+ u ma kinux daqs il-​jiem tas-​snin tal-​ħajjiet taʼ missirijieti fil-​jiem li għexu bħala barranin.”+ 10 Wara dan, Ġakobb bierek lill-​Fargħun u ħareġ minn quddiemu.+

11 B’hekk, Ġużeppi ta lil missieru u lil ħutu fejn jgħammru u tahom oqsma fl-​art taʼ l-​Eġittu, fl-​aħjarnett taʼ l-​art, fl-​art taʼ Ramesses,+ sewwasew bħalma kien ordna l-​Fargħun. 12 U Ġużeppi baqaʼ jipprovdi l-​ħobż lil missieru u lil ħutu u lin-​nies kollha taʼ dar missieru,+ skond l-​għadd taċ-​ċkejknin.+

13 Issa ma kienx hemm ħobż fl-​art kollha, għaliex il-​ġuħ kien kbir ferm;+ u l-​art taʼ l-​Eġittu u l-​art taʼ Kangħan infnew minħabba l-​ġuħ.+ 14 U Ġużeppi ssokta jiġbor il-​flus kollha li kienu jinstabu fl-​art taʼ l-​Eġittu u fl-​art taʼ Kangħan għaċ-​ċereali li kienu qed jixtru n-​nies;+ u Ġużeppi baqaʼ jġib il-​flus f’dar il-​Fargħun. 15 Maż-żmien, il-​flus mill-​art taʼ l-​Eġittu u mill-​art taʼ Kangħan intefqu, u l-​Eġizzjani kollha bdew imorru għand Ġużeppi, u jgħidulu: “Agħtina l-​ħobż!+ U għala għandna mmutu quddiemek għaliex spiċċaw il-​flus?”+ 16 U Ġużeppi kien jgħidilhom: “Agħtuni l-​bhejjem tagħkom u jien nagħtikom il-​ħobż minflok il-​bhejjem tagħkom, jekk spiċċaw il-​flus.” 17 U huma bdew iġibu l-​bhejjem tagħhom lil Ġużeppi; u Ġużeppi baqaʼ jagħtihom il-​ħobż minflok iż-​żwiemel tagħhom u l-​bhejjem taʼ l-​imrieħel tan-​nagħaġ u tal-​baqar u l-​ħmir,+ u baqaʼ jipprovdilhom il-​ħobż minflok il-​bhejjem kollha tagħhom matul dik is-​sena.

18 Bil-mod il-​mod dik is-​sena għaddiet, u huma bdew imorru għandu s-​sena taʼ wara u jgħidulu: “Ma se naħbulu xejn lil sidi imma l-​flus u l-​merħla taʼ l-​annimali domestiċi tajniehom lil sidi.+ Ma baqgħalna xejn quddiem sidi ħlief ġisimna u r-​rabaʼ tagħna.+ 19 Għala għandna mmutu quddiem għajnejk,+ kemm aħna u kemm ir-​rabaʼ tagħna? Ixtri lilna u r-​rabaʼ tagħna bil-​ħobż,+ u aħna u r-​rabaʼ tagħna nsiru lsiera tal-​Fargħun; u agħtina ż-​żerriegħa biex nibqgħu ħajjin u ma mmutux u r-​rabaʼ tagħna ma jsirx ħerba.”+ 20 Għalhekk, Ġużeppi xtara r-​rabaʼ kollu taʼ l-​Eġizzjani għall-​Fargħun,+ għaliex l-​Eġizzjani biegħu kull wieħed l-​għalqa tiegħu, għax il-​ġuħ kien għafashom sew; u r-​rabaʼ sar tal-​Fargħun.

21 U lin-​nies ħadhom fil-​bliet minn tarf sa tarf tat-​territorju taʼ l-​Eġittu.+ 22 Ir-rabaʼ tal-​qassisin biss ma xtarax,+ għaliex l-​ikel tal-​qassisin ġie provdut mill-​Fargħun u dawn kielu l-​ikel li tahom il-​Fargħun.+ Huwa għalhekk li ma bigħux ir-​rabaʼ tagħhom.+ 23 U Ġużeppi qal lin-​nies: “Ara! Illum jien xtrajt lilkom u r-​rabaʼ tagħkom għall-​Fargħun. Ħudu ż-​żerriegħa, u iżirgħuha fir-​rabaʼ.+ 24 Meta din tipproduċi l-​frott,+ imbagħad tridu tagħtu parti minn kull ħamsa lill-​Fargħun,+ imma erbaʼ partijiet isiru tagħkom bħala żerriegħa għar-​rabaʼ u bħala ikel għalikom u għal dawk li hemm fi djarkom u biex titimgħu liċ-​ċkejknin tagħkom.”+ 25 U huma qalulu: “Int salvajtna.+ Ħa nsibu l-​ħniena f’għajnejn sidi, u nsiru lsiera tal-​Fargħun.”+ 26 U Ġużeppi ħareġ digriet, li għadu sa dan il-​jum, fuq l-​oqsma tar-​rabaʼ taʼ l-​Eġittu biex il-​Fargħun ikollu parti minn kull ħamsa. Kien biss ir-​rabaʼ tal-​qassisin bħala grupp distint li ma sarx tal-​Fargħun.+

27 U Israel baqaʼ jgħammar fl-​art taʼ l-​Eġittu, fl-​art taʼ Gosen;+ u huma baqgħu fiha u nisslu u żdiedu fuq li żdiedu.+ 28 U Ġakobb baqaʼ jgħix fl-​art taʼ l-​Eġittu għal sbatax-il sena, u b’hekk jiem Ġakobb, snin ħajtu, kienu mija u sebgħa u erbgħin sena.+

29 Bil-mod il-​mod beda joqrob iż-​żmien biex Israel imut.+ Għalhekk, sejjaħ lil ibnu Ġużeppi u qallu: “Jekk, issa, sibt il-​ħniena f’għajnejk, jekk jogħġbok, poġġi idek taħt koxxti,+ u uri qalb tajba bl-​imħabba u fedeltà miegħi.+ (Jekk jogħġbok, tidfinnix fl-​Eġittu.)+ 30 U jien nimtedd maʼ missirijieti,+ u int ġorrni ’l barra mill-​Eġittu u idfinni f’qabarhom.”+ U hu wieġbu: “Jien se nagħmel skond kelmtek.” 31 Qallu: “Aħlifli.” U ħaliflu.+ Imbagħad Israel miel għal fuq ras is-​sodda.+