1 Kronaki

28 U David ġemaʼ f’Ġerusalemm il-​prinċpijiet+ kollha taʼ Israel, il-​prinċpijiet+ tat-​tribujiet u l-​prinċpijiet+ tat-​taqsimiet taʼ dawk li jaqdu lis-​sultan u l-​kapijiet taʼ l-​eluf+ u l-​kapijiet tal-​mijiet+ u l-​kapijiet fuq il-​ġid kollu+ u l-​bhejjem+ kollha tas-​sultan u taʼ wliedu,+ flimkien maʼ l-​uffiċjali tal-​palazz+ u l-​irġiel setgħanin,+ saħansitra kull raġel qalbieni u setgħan. 2 Imbagħad David, is-​sultan, qam bil-​wieqfa u qal:

“Isimgħuni, ħuti u poplu tiegħi. Jien stess xtaqt minn qalbi+ li nibni dar taʼ mistrieħ għall-​arka tal-​patt taʼ Ġeħova u bħala l-​banketta+ għal saqajn Alla tagħna, u kont ħejjejt biex nibni.+ 3 U l-​Alla l-​veru qalli, ‘Mhux int li tibni dar għal ismi;+ għax int raġel tal-​gwerer, u xerridt id-​demm.’+ 4 Għaldaqstant, Ġeħova, l-​Alla taʼ Israel, għażilni mid-​dar kollha taʼ missieri+ biex inkun sultan+ fuq Israel għal żmien indefinit; għax kien lil Ġuda li hu għażel bħala mexxej;+ u fid-​dar taʼ Ġuda, id-​dar taʼ missieri,+ u fost ulied missieri,+ jien kont il-​wieħed li hu approva,+ biex jagħmilni sultan fuq Israel kollu; 5 u minn uliedi kollha (għax ħafna huma l-​ulied li tani Ġeħova)+ hu għażel lil ibni Salamun+ biex joqgħod fuq it-​tron+ tas-​saltna taʼ Ġeħova fuq Israel.

6 “Iktar minn hekk, qalli, ‘Ibnek Salamun ikun dak li għad jibni d-​dar tiegħi+ u l-​btieħi tiegħi; għax jien għażiltu bħala ibni,+ u jien stess inkun missieru.+ 7 U jien nistabbilixxi fis-​sod is-​saltna tiegħu+ għal żmien indefinit jekk ikun deċiż b’mod sod li jobdi l-​kmandamenti+ tiegħi u d-​deċiżjonijiet ġudizzjarji tiegħi,+ bħalma hu llum.’ 8 U issa, quddiem għajnejn Israel kollu, il-​kongregazzjoni taʼ Ġeħova,+ u biex jismagħna Alla tagħna,+ oqogħdu attenti u fittxu l-​kmandamenti kollha taʼ Ġeħova Alla tagħkom, sabiex tirtu l-​art tajba+ u tgħadduha bħala wirt lil uliedkom warajkom għal żmien indefinit.

9 “U int, ibni Salamun, kun af+ lill-​Alla taʼ missierek u aqdih+ b’qalb sħiħa+ u bl-​għaxqa taʼ ruħek;+ għax Ġeħova jgħarbel il-​qlub kollha,+ u jagħraf kull inklinazzjoni tal-​ħsibijiet.+ Jekk tfittxu, iħallik issibu;+ imma jekk titilqu,+ iwarrbek għal dejjem.+ 10 Ara, issa, għax Ġeħova stess għażlek biex tibni dar bħala santwarju. Kun kuraġġuż u aġixxi.”+

11 U David ta lil ibnu Salamun il-​pjanta arkitettonika+ tal-​loġġa+ u tad-​djar tagħha u l-​imħażen tagħha+ u kull għorfa tagħha+ u l-​kmamar mudlama taʼ ġewwa tagħha u d-​dar taʼ l-​għatu propizjatorju;*+ 12 saħansitra l-​pjanta arkitettonika taʼ kull ħaġa li kienet ġiet għandu b’ispirazzjoni+ għall-​btieħi+ tad-​dar taʼ Ġeħova u għall-​kmamar taʼ l-​ikel+ kollha dawramejt, għat-​teżori tad-​dar taʼ l-​Alla l-​veru u għat-​teżori taʼ l-​affarijiet li tqaddsu;+ 13 u għat-​taqsimiet+ tal-​qassisin u tal-​Leviti u għax-​xogħol kollu fis-​servizz tad-​dar taʼ Ġeħova u għall-​għodod kollha tas-​servizz tad-​dar taʼ Ġeħova; 14 għad-deheb bl-​użin, id-​deheb għall-​għodod kollha għas-​servizzi differenti, għall-​għodod kollha tal-​fidda bl-​użin, għall-​għodod kollha+ għas-​servizzi differenti; 15 u l-​użin għall-​gandlieri+ tad-​deheb u l-​imsiebaħ tagħhom tad-​deheb, bl-​użin tal-​gandlieri differenti u l-​imsiebaħ tagħhom, u għall-​gandlieri tal-​fidda bl-​użin għall-​gandlier u l-​imsiebaħ tiegħu skond is-​servizz tal-​gandlieri differenti; 16 u d-​deheb bl-​użin għall-​imwejjed tal-​ħobż preżentat f’saffi,+ għall-​imwejjed differenti, u l-​fidda għall-​imwejjed tal-​fidda; 17 u l-​frieket u l-​iskutelli+ u l-​buqari tad-​deheb pur, u għall-​iskutelli żgħar tad-​deheb+ bl-​użin għall-​iskutelli żgħar differenti, u għall-​iskutelli żgħar tal-​fidda bl-​użin għall-​iskutelli żgħar differenti; 18 u għall-​artal taʼ l-​inċens,+ deheb irfinut bl-​użin u għar-​rappreżentazzjoni tal-​karru,+ jiġifieri, il-​kerubini+ tad-​deheb biex jifirxu ġwinħajhom u jgħattu l-​arka tal-​patt taʼ Ġeħova. 19 “Il-​ħaġa kollha tniżżlet bil-​miktub għaliex id Ġeħova kienet fuqi,+ u tani d-​dehen għad-​dettalji kollha tal-​pjanta arkitettonika.”+

20 U David issokta jgħid lil ibnu Salamun: “Kun kuraġġuż+ u b’saħħtek u aġixxi. Tibżax+ u titwerwirx,+ għax Alla Ġeħova, Alla tiegħi, qiegħed miegħek.+ Mhux se jabbandunak+ jew jitilqek sakemm jintemm ix-​xogħol kollu tas-​servizz tad-​dar taʼ Ġeħova. 21 U hawn huma t-​taqsimiet tal-​qassisin+ u tal-​Leviti+ għas-​servizz kollu tad-​dar taʼ l-​Alla l-​veru; u miegħek fix-​xogħol kollu hemm kull bniedem tas-​sengħa li minn rajh+ joffri ruħu għas-​servizz kollu,+ u wkoll il-​prinċpijiet+ u n-​nies kollha se jwettqu kulma tgħidilhom.”