1 Kronaki

13 U David ikkonsulta mal-​kapijiet taʼ l-​eluf u tal-​mijiet u maʼ kull mexxej;+ 2 u David issokta jgħid lill-​kongregazzjoni kollha taʼ Israel: “Jekk hu tajjeb għalikom u hu aċċettabbli għal Ġeħova Alla tagħna, ħa nibagħtu għal ħutna li għad baqaʼ fl-​artijiet kollha taʼ Israel+ u magħhom għall-​qassisin+ u l-​Leviti+ fil-​bliet tagħhom+ bil-​mergħat, sabiex jinġabru flimkien magħna. 3 U ħa nġibu l-​arka+ t’Alla tagħna għandna.” Għax ma kinux ħadu ħsiebha fi żmien Sawl.+ 4 Għalhekk, il-​kongregazzjoni kollha qablet li jagħmlu hekk, għax din il-​ħaġa dehret li hi tajba f’għajnejn in-​nies kollha.+ 5 Għaldaqstant, David laqqaʼ+ lil Israel kollu mix-​xmara taʼ l-​Eġittu+ sad-​daħla taʼ Ħamat,+ biex iġibu l-​arka+ taʼ l-​Alla l-​veru minn Kirjat-ġegħarim.+

6 U David u Israel kollu telgħu Bagħala,+ lejn Kirjat-ġegħarim, li hi taʼ Ġuda, biex itellgħu minn hemmhekk l-​arka taʼ l-​Alla l-​veru, Ġeħova, li qiegħed fuq il-​kerubini,+ li fuqha jissejjaħ ismu. 7 Madankollu, l-​arka taʼ l-​Alla l-​veru għabbewha fuq karru ġdid+ mid-​dar t’Abinadab, u Użżah u Aħjo+ kienu qed imexxu l-​karru. 8 U David u Israel kollu kienu qed jiċċelebraw+ b’saħħithom kollha quddiem l-​Alla l-​veru, bl-​għanjiet,+ bl-​arpi,+ bi strumenti tal-​korda,+ bit-​tanburlini,+ biċ-​ċimbali, u bit-​trumbetti.+ 9 U bil-​mod il-​mod waslu sal-​qiegħa tad-​dris taʼ Kidon,+ u Użżah issa ħareġ idu biex iżomm l-​Arka,+ għax il-​barrin kienu kważi qalbuha. 10 U r-​rabja taʼ Ġeħova xegħlet kontra Użżah, u b’hekk laqtu għaliex kien ħareġ idu biex iżomm l-​Arka,+ u miet hemmhekk quddiem Alla.+ 11 U David irrabja+ għaliex Ġeħova kien żbroffa kontra Użżah; u dak il-​post semmewh Pereż-użżah* sa dan il-​jum.

12 U David beżaʼ mill-​Alla l-​veru dakinhar+ u qal: “Kif se nġibha għandi l-​arka taʼ l-​Alla l-​veru?”+ 13 U David ma ġabx l-​Arka għandu fil-​Belt taʼ David, imma ġarrha lejn id-​dar t’Għobed-edom+ il-​Gitti.+ 14 U l-​arka taʼ l-​Alla l-​veru baqgħet għand in-​nies taʼ dar Għobed-edom, fid-​dar tiegħu+ għal tliet xhur; u Ġeħova baqaʼ jbierek+ lin-​nies taʼ dar Għobed-edom u kulma kellu.