113 Faħħru lil Jah!+
Offru tifħir lil Ġeħova, O qaddejja tiegħu,+
Faħħru isem Ġeħova.+
2 Ħa jitbierek isem Ġeħova+
Minn issa ’l quddiem u għal dejjem.+
3 Minn tlugħ ix-xemx sa nżulha+
L-isem taʼ Ġeħova għandu jiġi mfaħħar.+
4 Ġeħova għola ’l fuq mill-ġnus kollha;+
Il-glorja tiegħu hi ’l fuq mis-smewwiet.+
5 Min hu bħal Ġeħova Alla tagħna,+
Hu li jgħammar fl-għoli?+
6 Qed jitbaxxa biex iħares lejn is-sema u l-art,+
7 Iqajjem lill-batut mit-trab;+
Jgħolli lill-fqir mill-ħofra taʼ l-irmied,+
8 Biex iqiegħdu bil-qiegħda man-nobbli,+
Man-nobbli tal-poplu tiegħu.+
9 Jagħti lill-mara li ma jistax ikollha tfal dar fejn tgħammar+
Bħala omm ferħana bl-ulied.+
Faħħru lil Jah!+
114 Meta Israel ħareġ mill-Eġittu,+
U dar Ġakobb minn poplu li jitkellem lingwa ma tinftihemx,+
2 Ġuda sar il-post qaddis tiegħu,+
Israel id-dominju grandjuż tiegħu.+
3 Il-baħar ra u ħarab;+
Il-Ġordan beda jerġaʼ lura.+
4 Il-muntanji qabżu bħall-imtaten,+
L-għoljiet bħall-ħrief.
5 Xi ġralek, O baħar, biex ħrabt,+
O Ġordan, biex bdejt terġaʼ lura?+
6 O muntanji, għala bdejtu taqbżu bħall-imtaten,+
O għoljiet, bħall-ħrief?+
7 O art, imtela bil-biżaʼ minħabba l-Mulej,+
Minħabba l-Alla taʼ Ġakobb,
8 Li qed jibdel il-blata f’għadira taʼ l-ilma kollha qasab,+
Blata taż-żnied f’għajn taʼ l-ilma.+
115 Aħna ma jistħoqqilna xejn, O Ġeħova, aħna ma jistħoqqilna xejn,+
Imma lil ismek agħtih glorja+
Skond il-qalb tajba bl-imħabba tiegħek, skond il-verità tiegħek.+
2 Għala għandhom il-ġnus jgħidu:+
“Fejn hu, issa, Alla tagħhom?”+
3 Imma Alla tagħna hu fis-smewwiet;+
Kulma għoġbu jagħmel għamlu.+
4 L-idoli tagħhom huma fidda u deheb,+
Xogħol idejn il-bniedem.+
5 Fomm għandhom, imma ma jistgħux jitkellmu;+
Għajnejn għandhom, imma ma jistgħux jaraw;+
6 Widnejn għandhom, imma ma jistgħux jisimgħu.+
Imnieħer għandhom, imma ma jistgħux ixommu.+
7 Idejn għandhom, imma ma jistgħux iħossu.+
Saqajn għandhom, imma ma jistgħux jimxu;+
Ma jlissnu ebda ħoss b’gerżumithom.+
8 Dawk li jagħmluhom isiru bħalhom,+
Dawk kollha li jafdaw fihom.+
9 O Israel, afda f’Ġeħova;+
Hu l-għajnuna u t-tarka tagħkom.+
10 O dar Aron, poġġu l-fiduċja tagħkom f’Ġeħova;+
Hu l-għajnuna u t-tarka tagħkom.+
11 Intom li tibżgħu minn Ġeħova, afdaw f’Ġeħova;+
Hu l-għajnuna u t-tarka tagħkom.+
12 Ġeħova ftakar fina; hu se jbierek,+
Se jbierek lil dar Israel,+
Se jbierek lil dar Aron.+
13 Se jbierek lil dawk li jibżgħu minn Ġeħova,+
Iż-żgħar kif ukoll il-kbar.+
14 Ġeħova se jagħtikom iż-żjieda,+
Lilkom u lil uliedkom.+
15 Intom imberkin minn Ġeħova,+
Dak li għamel is-sema u l-art.+
16 Is-smewwiet—taʼ Ġeħova huma s-smewwiet,+
Imma l-art taha lil ulied il-bnedmin.+
17 Il-mejtin ma jfaħħruhx lil Jah,+
Lanqas kulmin jinżel fis-skiet.+
18 Imma aħna se nbierku lil Jah+
Minn issa ’l quddiem u għal dejjem.+
Faħħru lil Jah!+
116 Jien nimtela bl-imħabba meta Ġeħova jismaʼ+
Leħni, it-talb bil-ħrara tiegħi.+
2 Għax hu mejjel widintu lejja,+
U jien insejjaħlu tul jiemi kollha.+
3 Il-ħbula tal-mewt dawruni+
U kont f’ċirkustanzi taʼ niket bħallikieku fil-Qabar.+
Inkwiet u dwejjaq bqajt insib.+
4 Imma jien sejjaħt isem Ġeħova:+
“O Ġeħova, eħlisli ruħi!”+
5 Ġeħova grazzjuż u ġust;+
Alla tagħna hu ħanin.+
6 Ġeħova qed iħares lil dawk taʼ bla esperjenza.+
Kont batut, u hu salvani, iva, lili.+
7 Mur lura lejn il-post taʼ mistrieħ tiegħek, O ruħi,+
Għax Ġeħova nnifsu aġixxa b’mod xieraq miegħek.+
8 Għax int ħlistli ruħi mill-mewt,+
Għajnejja mid-dmugħ, saqajja mit-tfixkil.+
9 Jien se nimxi+ quddiem Ġeħova fl-artijiet tal-ħajjin.+
10 Kelli l-fidi,+ u għalhekk tkellimt.+
Kont qed insofri ħafna.
11 Min-naħa tiegħi, meta kont mifxul bil-paniku għedt:+
“Kull bniedem hu giddieb.”+
12 X’se nagħti lil Ġeħova+
Għall-benefiċċji kollha li tani?+
13 Se naqbad il-kies tas-salvazzjoni grandjuża,+
U nsejjaħ l-isem taʼ Ġeħova.+
14 Se rrodd il-wegħdi tiegħi lil Ġeħova,+
Iva, quddiem il-poplu kollu tiegħu.
15 Prezzjuża f’għajnejn Ġeħova
Hi l-mewt taʼ dawk leali lejh.+
16 Jaħasra, O Ġeħova,+
Għax jien il-qaddej tiegħek.+
Iva, jien il-qaddej tiegħek, bin l-ilsira tiegħek.+
Int ħallejtli l-irbit tiegħi.+
17 Lilek se noffri s-sagrifiċċju taʼ radd il-ħajr,+
U isem Ġeħova nsejjaħ.+
18 Se rrodd il-wegħdi tiegħi lil Ġeħova,+
Iva, quddiem il-poplu kollu tiegħu,+
19 Fil-btieħi tad-dar taʼ Ġeħova,+
F’nofsok, O Ġerusalemm.+
Faħħru lil Jah!+
117 Faħħru lil Ġeħova, intom il-ġnus kollha;+
Igglorifikawh, intom it-tribujiet kollha.+
2 Għax il-qalb tajba bl-imħabba li wriena hi setgħana;+
U l-verità+ taʼ Ġeħova hi għal dejjem.
Faħħru lil Jah!+
118 Irringrazzjaw lil Ġeħova, għax hu tajjeb;+
Għax il-qalb tajba bl-imħabba tiegħu hi għal dejjem.+
2 Ħa jgħid issa Israel:
“Għax il-qalb tajba bl-imħabba tiegħu hi għal dejjem.”+
3 Ħa jgħidu issa dawk taʼ dar Aron:+
“Għax il-qalb tajba bl-imħabba tiegħu hi għal dejjem.”+
4 Ħa jgħidu issa dawk li jibżgħu minn Ġeħova:+
“Għax il-qalb tajba bl-imħabba tiegħu hi għal dejjem.”+
5 Meta kont f’ċirkustanzi taʼ niket sejjaħt lil Jah;+
Jah wieġeb u qegħedni f’post spazjuż.+
6 Ġeħova qiegħed fuq in-naħa tiegħi; m’iniex se nibżaʼ.+
X’jistaʼ jagħmilli l-bniedem?+
7 Ġeħova qiegħed fuq in-naħa tiegħi fost dawk li jgħinuni,+
Sabiex inħares rebbieħ lejn dawk li jobogħduni.+
8 Aħjar tistkenn f’Ġeħova+
Milli tafda fil-bniedem.+
9 Aħjar tistkenn f’Ġeħova+
Milli tafda fin-nobbli.+
10 Il-ġnus kollha dawruni.+
Kien fl-isem taʼ Ġeħova li bqajt inżommhom ’il bogħod.+
11 Daru għalija, iva, dawruni.+
Kien fl-isem taʼ Ġeħova li bqajt inżommhom ’il bogħod.
12 Huma daru għalija bħan-naħal;+
Intfew bħan-nar taʼ l-għollieq.+
Kien fl-isem taʼ Ġeħova li bqajt inżommhom ’il bogħod.+
13 Imbottawni bis-saħħa biex naqaʼ,+
Imma Ġeħova għenni.+
14 Jah hu l-kenn u s-setgħa tiegħi,+
U għalija jsir salvazzjoni.+
15 Il-leħen t’għajat ferrieħi u taʼ salvazzjoni+
Qiegħed fit-tined+ tal-ġusti.+
Il-leminija taʼ Ġeħova qed turi enerġija kbira.+
16 Il-leminija taʼ Ġeħova qed titgħolla;+
Il-leminija taʼ Ġeħova qed turi enerġija kbira.+
17 M’iniex se mmut, imma nibqaʼ ngħix,+
Biex inxandar l-għemejjel taʼ Jah.+
18 Jah ikkoreġieni bil-kbir,+
Imma ma tanix f’idejn il-mewt.+
19 Iftħuli l-bibien tas-sewwa.+
Jien nidħol minnhom; infaħħar lil Jah.+
20 Dan hu l-bieb taʼ Ġeħova.+
Il-ġusti se jidħlu minnu.+
21 Jien se nfaħħrek, għax wiġibtni+
U sirt is-salvazzjoni tiegħi.+
22 Il-ġebla li twarrbet mill-bennejja+
Saret il-ġebla tax-xewka taʼ fuqnett.+
23 Dan seħħ mingħand Ġeħova;+
F’għajnejna din hi ħaġa taʼ l-għaġeb.+
24 Dan hu l-jum li għamel Ġeħova;+
Se nifirħu u nithennew fih.+
25 Issa, O Ġeħova, salvana, jekk jogħġbok!+
Issa, O Ġeħova, għinna nirnexxu, jekk jogħġbok!+
26 Ħa jkun imbierek Dak li ġej f’isem Ġeħova;+
Aħna berikniekom mid-dar taʼ Ġeħova.+
27 Ġeħova hu d-Divin,+
U jagħtina d-dawl.+
Żejnu l-parata tal-festa+ bil-friegħi,+
Sal-qrun taʼ l-artal.+
28 Int id-Divin tiegħi, u jien se nfaħħrek;+
Alla tiegħi—se neżaltak.+
29 Irringrazzjaw lil Ġeħova, għax hu tajjeb;+
Għax il-qalb tajba bl-imħabba tiegħu hi għal dejjem.+