2 Kronaki

17 U ibnu Ġeħosafat+ beda jsaltan minfloku u jsaħħaħ il-​pożizzjoni tiegħu fuq Israel. 2 U qiegħed qawwiet militari fil-​bliet fortifikati kollha taʼ Ġuda u qiegħed għases tas-​suldati fl-​art taʼ Ġuda u fil-​bliet t’Efrajm li missieru Asa kien ħa taħt idejh.+ 3 U Ġeħova kompla jkun maʼ Ġeħosafat,+ għaliex dan mexa fit-​triqat li qabel kien jimxi fihom David, missieru tal-​qedem,+ u ma fittixx lill-​Bagħalim.+ 4 Għax lill-​Alla taʼ missieru fittex+ u skond il-​kmandamenti tiegħu mexa,+ u mhux skond dak li kien qed jagħmel Israel.+ 5 U Ġeħova żammlu s-​saltna stabbilita fis-​sod f’idu;+ u Ġuda kollu baqaʼ jagħti r-​rigali+ lil Ġeħosafat, u dan kellu rikkezzi u glorja bl-​abbundanza.+ 6 U qalbu tqawwiet fit-​triqat+ taʼ Ġeħova, u saħansitra neħħa l-​postijiet għall-​qima*+ u l-​arbli sagri+ minn Ġuda.

7 U fit-​tielet sena tar-​renju tiegħu bagħat għall-​prinċpijiet tiegħu, jiġifieri, għal Ben-ħajl, Għobadija, Żakkarija, Netanel, u Mikaja, biex jgħallmu fil-​bliet taʼ Ġuda, 8 u magħhom il-​Leviti, Semajja, Netanija, Żebadija, Għasael, Semiramot, Ġeħonatan, Adonija, Tobijah, u Tob-adonija, il-​Leviti, u magħhom il-​qassisin Elisama u Ġeħoram.+ 9 U bdew jgħallmu+ f’Ġuda, u magħhom kellhom il-​ktieb tal-​liġi taʼ Ġeħova;+ u baqgħu jduru mal-​bliet kollha taʼ Ġuda u jgħallmu fost il-​poplu.

10 U l-​biżaʼ+ minn Ġeħova waqaʼ fuq is-​saltniet kollha taʼ l-​artijiet li kien hemm madwar Ġuda, u ma ġġildux kontra Ġeħosafat.+ 11 U lil Ġeħosafat kienu qed iġibulu rigali+ u flus bħala ħaraġ+ mingħand il-​Filistin. L-​Għarab+ ukoll kienu qed iġibulu l-​imrieħel, sebat elef u sebaʼ mitt muntun u sebat elef u sebaʼ mitt bodbod.+

12 U Ġeħosafat kompla miexi ’l quddiem u jikber dejjem iktar+ u iktar; u bena postijiet fortifikati+ u bliet għall-​imħażen+ f’Ġuda. 13 U kien hemm ħafna ġid li sar tiegħu fil-​bliet taʼ Ġuda; u f’Ġerusalemm kien hemm il-​gwerriera,+ irġiel qalbenin u setgħanin.+ 14 U dawn kienu l-​karigi tagħhom skond dar missirijiethom: Minn Ġuda l-​kapijiet taʼ l-​eluf, Għadnah, il-​kap, u miegħu kien hemm tliet mitt elf raġel qalbieni u setgħan.+ 15 U taħt id-​direzzjoni tiegħu kien hemm Ġeħoħanan, il-​kap, u miegħu kien hemm mitejn u tmenin elf. 16 U taħt id-​direzzjoni tiegħu kien hemm Amasija, bin Żikri, il-​qaddej li offra lilu nnifsu minn jeddu+ lil Ġeħova, u miegħu kien hemm mitejn elf raġel qalbieni u setgħan. 17 U minn Benjamin+ kien hemm Eljada, ir-​raġel qalbieni u setgħan, u miegħu kien hemm mitejn elf raġel armat bil-​qaws u bit-​tarka.+ 18 U taħt id-​direzzjoni tiegħu kien hemm Ġeħożabad, u miegħu kien hemm mija u tmenin elf raġel imrawwem għall-​armata. 19 Dawn kienu dawk li kienu jaqdu lis-​sultan minbarra dawk li s-​sultan poġġiehom fil-​bliet fortifikati+ madwar Ġuda kollu.