Salmi

101 Se nkanta dwar il-​qalb tajba bl-​imħabba u l-​ġustizzja.+

Lilek, O Ġeħova, se ngħanni.+

 2 Se nimxi bil-​għaqal fi triq bla nuqqas.+

Meta ġej tgħinni?+

Ġewwa dari se nimxi bl-​integrità taʼ qalbi.+

 3 M’iniex se nqiegħed quddiem għajnejja xi ħaġa li m’hi tajba għal xejn.+

Jien bgħadt l-​għemil taʼ dawk li tbiegħdu mit-​triq;+

Ma nħallihx jersaq lejja.+

 4 Qalb mgħawġa nżommha ’l bogħod minni;+

Ma naf l-​ebda ħażen.+

 5 Lil kulmin jimmalafama lil sieħbu bil-​moħbi,+

Insikktu.+

Lil kulmin għandu għajnejh imkabbrin u qalb arroganti,+

Ma nifilħux.+

 6 Għajnejja huma fuq in-​nies taʼ l-​art li juru fedeltà,+

Sabiex jgħammru miegħi.+

Min jimxi fi triq bla nuqqas,+

Dak jaqdini.+

 7 Min jinganna ma jgħammarx f’dari.+

Kulmin jgħid il-​gideb, ma jibqax+

Quddiem għajnejja.+

 8 Kull għodwa nsikket lill-​ħżiena kollha taʼ l-​art,+

Biex neqred mill-​belt+ taʼ Ġeħova lil kulmin jipprattika l-​ħsara.+