Salmi

48 Ġeħova hu kbir u jistħoqqlu kull tifħir+

Fil-​belt t’Alla tagħna,+ fuq il-​muntanja qaddisa tiegħu.+

 2 Sabiħa għall-​għoli tagħha, il-​ferħ taʼ l-​art kollha,+

Hi l-​Muntanja Sijon fl-​iktar naħat imbegħdin tat-​tramuntana,+

Il-​belt tas-​Sultan Grandjuż.+

 4 Għax, ara, is-​slaten ftiehmu u ltaqgħu,+

Baqgħu għaddejjin minn hawn flimkien.+

 5 Huma raw, u għalhekk baqgħu mgħaġġbin.

Tħawdu, ħakimhom il-​paniku u telqu jiġru.+

 6 Hemmhekk qabadhom it-​tregħid,+

L-​uġigħ tal-​ħlas bħal taʼ mara li qed tiled.+

 8 Bħalma smajna, hekk rajna+

Fil-​belt taʼ Ġeħova taʼ l-​armati, fil-​belt t’Alla tagħna.+

Alla se jistabbiliha fis-​sod għal dejjem.+ Sela.

 9 Aħna qgħadna nirriflettu, O Alla, fuq il-​qalb tajba bl-​imħabba tiegħek+

F’nofs it-​tempju tiegħek.+

10 Bħal ismek,+ O Alla, hekk hu t-​tifħir tiegħek

Sa xfar l-​art.

Idek il-​leminija mimlija bis-​sewwa.+

11 Jalla tithenna l-​Muntanja Sijon,+

Jalla jifirħu l-​bliet żgħar taʼ* Ġuda,+ minħabba d-​deċiżjonijiet ġudizzjarji tiegħek.+

12 Immarċjaw madwar Sijon, u duru magħha,+

Għoddu t-​torrijiet tagħha.+

13 Ħarsu sew lejn il-​ħitan b’saħħithom tagħha.+

Iflulha t-​torrijiet mgħammrin tagħha,

Sabiex tkunu tistgħu tirrakkontaw dan lill-​ġenerazzjoni tal-​futur.+

14 Għax dan Alla hu Alla tagħna għal żmien indefinit, iva, għal dejjem.+

Hu se jiggwidana sakemm immutu.+