Salmi

88 O Ġeħova, l-​Alla tas-​salvazzjoni tiegħi,+

Bi nhar għajjatt,+

U bil-​lejl ukoll għajjatt quddiemek.+

 2 Iva, quddiemek se tasal it-​talba tiegħi.+

Mejjel widintek għall-​għajat tiegħi bil-​ħrara.+

 3 Għax ruħi kellha biżżejjed inkwiet,+

U ħajti ġiet viċin il-​Qabar.*+

 4 Ġejt magħdud maʼ dawk li neżlin fil-​ħofra;+

Sirt bħal raġel b’saħħtu li telqitlu saħħtu,+

 5 Meħlus bħall-​mejtin,+

Bħall-​maqtulin mimdudin f’post id-​dfin,+

Li m’għadekx tiftakarhom

U li huma maqtugħin mill-​għajnuna taʼ idek.+

 6 Int tfajtni f’ħofra mill-​iktar fonda,

F’postijiet mudlama, f’abbiss kbir ħafna.+

 7 Fuqi tfajt il-​korla tiegħek,+

U bil-​ħalel kbar kollha tiegħek għakkistni.+ Sela.

 8 Int begħedt minni lil dawk li jafuni;+

Għamiltni xi ħaġa mistkerrha ferm għalihom.+

Jien magħluq u ma nistax noħroġ.+

 9 Għajnejja ntfew minħabba s-​sofferenza tiegħi.+

Sejjaħtlek, O Ġeħova, il-​jum kollu;+

Lejk ftaħt idejja fit-​talb.+

10 Jaqaw mal-​mejtin se tagħmel xi meravilji?+

Jew dawk bla qawwa fil-​mewt se jqumu,+

Se jfaħħruk?+ Sela.

11 Sejra l-​qalb tajba bl-​imħabba tiegħek tixxandar f’post id-​dfin,

Il-​fedeltà tiegħek f’post il-​qerda?+

12 Se jkunu l-​meravilji tiegħek magħrufin fid-​dlam,+

Jew is-​sewwa tiegħek f’art il-​minsijin?+

13 U madankollu jien lilek għajjatt għall-​għajnuna, O Ġeħova,+

U kull fil-​għodu t-​talba tiegħi tibqaʼ tasal quddiemek.+

14 O Ġeħova, għala warrabtni?+

Għala żżomm wiċċek mistur minni?+

15 Jien qed insofri u ili f’ħalq il-​mewt sa minn tfuliti;+

Issaportejt ħafna affarijiet tal-​biżaʼ mingħandek.+

16 Ir-rabja taħraq tiegħek għaddiet tleħħ minn fuqi;+

It-​twerwir li ġibt fuqi sikkitni.+

17 Dawruni l-​jum kollu bħal ilmijiet;+

Għalquni kollha f’daqqa minn kull naħa.

18 Int begħedt minni lil ħabibi u lil sieħbi;+

Jafni biss il-​post mudlam.+