Salmi

65 O Alla, int jistħoqqlok tifħir u silenzju, f’Sijon;+

U lilek tintradd il-​wegħda.+

 3 L-iżbalji tiegħi għelbuni.+

In-​nuqqasijiet tagħna, int se tgħattihom.+

 4 Hieni hu l-​bniedem li tagħżel u tħallih jersaq lejk,+

Biex ikun jistaʼ jgħammar fil-​btieħi tiegħek.+

Aħna se nimtlew bl-​affarijiet tajbin taʼ darek,+

Il-​post qaddis tat-​tempju tiegħek.+

 5 Int twiġibna b’affarijiet li jqanqlu l-​biżaʼ magħmulin bis-​sewwa,+

O Alla tas-​salvazzjoni tagħna,+

Il-​Fiduċja taʼ dawk fix-​xfar kollha taʼ l-​art u taʼ dawk ’il bogħod fuq il-​baħar.+

 6 Bil-qawwa tiegħu jwaqqaf il-​muntanji fis-​sod;+

Huwa mħażżem bis-​setgħa.+

 7 Jikkwieta l-​ħoss taʼ l-​ibħra,+

Il-​ħoss tal-​mewġ tagħhom u l-​istorbju tal-​ġnus.+

 8 U l-​abitanti fl-​ibgħad inħawi se jibżgħu mis-​sinjali tiegħek;+

Tlugħ u nżul ix-​xemx jgħajtu bil-​ferħ.+

 9 Int ħadt ħsieb l-​art, biex tkun tistaʼ tagħtiha l-​abbundanza;+

Timlieha b’ħafna ġid.

In-​nixxiegħa mingħand Alla mimlija ilma.+

Int tipprovdilhom il-​qmuħ,+

Għax hekk tħejjiha l-​art.+

10 Ir-raddi tagħha xxarrabhom sew, u twittilha l-​ħamrija;+

Trattabha b’ħalbiet spissi taʼ xita; tbierek dak li jinbet minnha.+

11 Int inkurunajt is-​sena bi tjubitek,+

U mogħdijietek iqattru bl-​abbundanza.+

12 Il-mergħat tax-​xagħri jibqgħu joqtru,+

U l-​għoljiet jitħażżmu bil-​ferħ.+

13 Il-mergħat tlibbsu bl-​imrieħel,+

U l-​pjanuri l-​baxxi tgħattew bil-​qmuħ.+

Dawn jgħajtu bil-​ferħ għajat taʼ rebħa, iva, ikantaw.+