Salm

115 Ġeħova, tagħtix glorja lilna

Għax ma ħaqqniex.*

 3 L-Alla tagħna hu fis-sema;

Hu jagħmel dak li jogħġbu.

 4 L-istatwi* tagħhom huma tal-fidda u d-deheb,

Magħmulin mill-bniedem.

 5 Għandhom ħalq, imma ma jistgħux jitkellmu;

Għandhom għajnejn, imma ma jistgħux jaraw;

 6 Għandhom widnejn, imma ma jistgħux jisimgħu;

Għandhom imnieħer, imma ma jistgħux ixommu;

 7 Għandhom idejn, imma ma jistgħu jaqbdu xejn;

Għandhom saqajn, imma ma jistgħux jimxu;

Mill-gerżuma tagħhom ma joħroġ l-ebda ħoss.

 8 In-nies li jagħmluhom se jsiru bħalhom,

U anki dawk kollha li jafdaw fihom.

12 Ġeħova jiftakar fina u jberikna;

Hu se jbierek lid-dar t’Iżrael;

Hu se jbierek lid-dar t’Aron.

13 Ġeħova se jbierek lil dawk li jirrispettawh ħafna,*

Iż-żgħar u l-kbar.

15 Jalla tiġu mberkin minn Ġeħova,

Dak li Għamel is-sema u l-art.

16 Is-sema hi taʼ Ġeħova,

Imma l-art taha lill-bnedmin.

17 Il-mejtin ma jfaħħruhx lil Jah;

Ħadd minn dawk li neżlin fil-qabar* ma jfaħħru.

18 Imma aħna se nfaħħru lil Jah

Issa u għal dejjem.