Proverbji
21 Il-qalb taʼ re hi bħal nixxigħat tal-ilma f’idejn Ġeħova.
Hu jidderiġiha fejn irid.
3 Ġeħova jieħu iktar gost
Meta xi ħadd jagħmel dak li hu sewwa u ġust, milli bis-sagrifiċċji.
4 Il-kburija u l-arroganza huma bħal lampa li tiggwida lill-ħżiena,
U dawn l-affarijiet huma dnub.
5 Il-pjanijiet taʼ min jaħdem iebes żgur li jwasslu għal suċċess,*
Imma kull min jagħmel l-affarijiet bla ma jaħsibha żgur li se jispiċċa fqir.
7 Il-vjolenza tal-ħżiena se tkaxkarhom,
Għax huma ma jridux jaġixxu bil-ġustizzja.
8 It-triq taʼ raġel li hu ħati mhijiex dritta,
Imma dak li jagħmel l-innoċenti hu ġust.
11 Meta xi ħadd li jwaqqaʼ għaċ-ċajt jiġi kkastigat, dak taʼ bla esperjenza jsir iktar għaref;
U meta persuna għarfa titgħallem iktar affarijiet, din tkun taf xi trid tagħmel.*
13 Kull min isodd widnejh meta l-batut jgħajjat għall-għajnuna,
Ħadd mhu se jwieġbu meta jgħajjat hu.
14 Rigal bil-moħbi jrażżan ir-rabja;
U tixħim minn taħt itaffi rabja kbira.
15 Il-ġust jieħu gost jaġixxi bil-ġustizzja,
Imma dawk li jagħmlu l-ħażen jobogħduha l-ġustizzja.
16 Min ma jibqax juri l-għaqal
Se jistrieħ fost il-mejtin.
20 Fid-dar tal-għaref issib teżor prezzjuż u żejt,
Imma l-istupidu jberbaq dak li għandu.
21 Kull min jistinka biex jagħmel dak li hu ġust u juri mħabba u lealtà*
Se jirnexxilu jagħmel dak li hu sew u se jirċievi ħajja u unur.
24 Min jaġixxi bi kburija u mingħajr ma jimpurtah mill-konsegwenzi
Se jgħidu li hu prużuntuż, arroganti, u jħobb jiftaħar.
25 Dak li l-għażżien jixxennaq għalih se joqtlu,
Għax hu ma jridx jaħdem.
26 Il-ġurnata kollha hu jixxennaq għal ħafna affarijiet b’regħba,
Imma l-ġust jagħti b’mod ġeneruż.
27 Alla jobogħdu s-sagrifiċċju tal-wieħed mill-agħar.
Mela kemm iktar meta dan joffrih b’intenzjoni ħażina!*
29 Raġel ħażin ma jistħix,
Imma l-ġust jagħżel li jgħaddi mit-triq it-tajba.
30 M’hemm ebda għerf, intelliġenza, jew parir li jistaʼ jiħodha kontra Ġeħova.
31 Iż-żiemel hu ppreparat għall-battalja,
Imma hu Ġeħova li jsalva.