L-​Ewwel taʼ Pietru

1 Pietru,* appostlu+ taʼ Ġesù Kristu, lir-​residenti temporanji+ mxerrdin+ fil-​Pontu, fil-​Galazja, fil-​Kappadoċja,+ fl-​Asja, u fil-​Bitinja, lil dawk li ntgħażlu+ 2 skond l-​għarfien minn qabel t’Alla l-​Missier,+ imqaddsin permezz taʼ l-​ispirtu,+ biex ikunu ubbidjenti u mraxxin+ bid-​demm taʼ Ġesù Kristu:+

Jalla jiżdidulkom il-​qalb tajba mhix mistħoqqa u l-​paċi.+

3 Ikun imbierek Alla u Missier il-​Mulej tagħna Ġesù Kristu,+ għax fil-​ħniena kbira tiegħu wilidna mill-​ġdid+ għal tama ħajja+ permezz taʼ l-​irxoxt+ taʼ Ġesù Kristu mill-​imwiet, 4 għal wirt li ma jitħassarx u ma jitniġġisx u ma jispiċċax.+ Dan hu merfugħ fis-​smewwiet għalikom,+ 5 li qed tiġu mħarsin bil-​qawwa t’Alla permezz tal-​fidi+ għal salvazzjoni+ li hi lesta biex tiġi rivelata+ fl-​aħħar perijodu taʼ żmien.+ 6 B’dan il-​fatt qed tithennew ħafna, għalkemm issa, għal ftit żmien, jekk għandu jkun hekk, qed titnikktu b’diversi provi,+ 7 sabiex il-​fidi tagħkom li tgħaddi mill-​provi+ tkun taʼ kwalità li tiswa ferm iktar mid-​deheb li jintemm minkejja li jgħaddi mill-​prova tan-​nar+ u tkun tistaʼ ġġib tifħir u glorja u unur fir-​rivelazzjoni+ taʼ Ġesù Kristu. 8 Għalkemm qatt ma rajtuh, tħobbuh.+ Għalkemm m’intomx tarawh fil-​preżent, qed teżerċitaw il-​fidi fih u qed tithennew bil-​kbir b’ferħ glorifikat li ma jitlissinx, 9 waqt li tirċievu r-​riżultat aħħari tal-​fidi tagħkom, is-​salvazzjoni taʼ ruħkom.+

10 Dwar din is-​salvazzjoni sar stħarriġ bil-​għaqal u tfittxija bir-​reqqa+ mill-​profeti li pprofetizzaw+ dwar il-​qalb tajba mhix mistħoqqa li kienet għalikom.+ 11 Huma baqgħu jistħarrġu liema żmien partikulari+ jew liema xorta taʼ żmien l-​ispirtu+ li kellhom fihom kien qed jindika dwar Kristu+ meta xehed minn qabel dwar it-​tbatijiet taʼ Kristu+ u dwar l-​affarijiet glorjużi+ li kellhom jiġu wara. 12 Lilhom ġie rivelat li ma kienx għalihom infushom,+ imma għalikom, li kienu qed jaqdu billi jipprovdu l-​affarijiet li issa tħabbrulkom+ permezz taʼ dawk li xandrulkom l-​aħbar tajba bl-​ispirtu qaddis+ mibgħut mis-​sema. Dwar dawn l-​affarijiet jixtiequ jkunu jafu l-​anġli.+

13 Għaldaqstant ħejju lil moħħkom għal attività intensiva,+ ibqgħu f’sensikom għalkollox;+ qiegħdu t-​tama tagħkom fil-​qalb tajba mhix mistħoqqa+ li se tintwera magħkom fir-​rivelazzjoni+ taʼ Ġesù Kristu. 14 Bħal tfal ubbidjenti, tibqgħux magħġunin+ skond ix-​xewqat li kellkom qabel fl-​injoranza tagħkom, 15 imma, fi qbil mal-​Qaddis li sejħilkom, kunu intom ukoll qaddisin fil-​kondotta kollha tagħkom,+ 16 għax hu miktub: “Kunu qaddisin, għax jien qaddis.”+

17 Iktar minn hekk, jekk qed issejħu lill-​Missier li jiġġudika b’mod imparzjali+ lil kull wieħed skond għemilu, ġibu ruħkom bil-​biżaʼ+ matul iż-​żmien li qed tgħixu bħala residenti barranin.+ 18 Għax tafu li ma kienx b’affarijiet li jitħassru,+ b’fidda jew deheb, li ġejtu meħlusin+ mit-​tip taʼ kondotta fiergħa tagħkom li rċivejtu bit-​tradizzjoni mingħand missirijietkom. 19 Imma kien b’demm prezzjuż,+ bħal dak taʼ ħaruf bla difett u bla tebgħa,+ dak taʼ Kristu.+ 20 Veru, hu kien magħruf minn qabel, qabel it-​tisjis+ tad-​dinja, imma ntwera fi tmiem iż-​żminijiet minħabba fikom,+ 21 intom li permezz tiegħu temmnu f’Alla,+ dak li qajmu mill-​imwiet+ u tah il-​glorja;+ sabiex il-​fidi u t-​tama tagħkom ikunu f’Alla.+

22 Issa li saffejtu+ ruħkom bl-​ubbidjenza tagħkom lejn il-​verità, u b’hekk għandkom affezzjoni lejn l-​aħwa+ mingħajr ipokrisija, ħobbu lil xulxin mill-​qalb bil-​ħeġġa kollha.+ 23 Għax intom ma twilidtux mill-​ġdid+ permezz taʼ żerriegħa riproduttiva li titħassar,+ imma permezz taʼ żerriegħa+ li ma titħassarx,+ permezz tal-​kelma+ taʼ l-​Alla l-​ħaj li jibqaʼ għal dejjem.+ 24 Għax “il-​bnedmin kollha huma bħall-​ħaxix, u l-​glorja tagħhom kollha bħall-​inwar tal-​ħaxix;+ il-​ħaxix jidbiel, u l-​fjura taqaʼ,+ 25 imma l-​kelma taʼ Ġeħova tibqaʼ għal dejjem.”+ U din hi l-​“kelma,”+ din li xxandritilkom+ bħala aħbar tajba.

2 Għaldaqstant warrbu kull ħażen+ u kull qerq u ipokrisija u għira u kull xorta taʼ tqasqis,+ 2 u, bħal trabi tat-​twelid,+ ifformaw xenqa għall-​ħalib safi+ tal-​kelma, sabiex permezz tiegħu tikbru għas-​salvazzjoni,+ 3 jekk doqtu kemm hu qalbu tajba l-​Mulej.+

4 Billi tersqu lejh, jiġifieri, lejn ġebla ħajja,+ imwarrba+ tabilħaqq mill-​bnedmin,+ imma magħżula u prezzjuża għal Alla,+ 5 intom ukoll bħala ġebel ħaj tinbnew bħala dar spiritwali+ biex tkunu saċerdozju qaddis u toffru sagrifiċċji spiritwali+ aċċettabbli għal Alla permezz taʼ Ġesù Kristu.+ 6 Għax fl-​Iskrittura hemm miktub: “Ara! Qed inqiegħed f’Sijon ġebla, magħżula, ġebla tax-​xewka tal-​pedament, prezzjuża; u żgur li ħadd minn dawk li jeżerċitaw il-​fidi fiha ma jkun diżappuntat.”+

7 Għalhekk, għalikom hu prezzjuż, għax intom temmnu; imma għal dawk li ma jemmnux, “l-​istess ġebla li twarrbet+ mill-​bennejja saret il-​ġebla tax-​xewka taʼ fuqnett,”+ 8 u “ġebla taʼ tfixkil u blata t’offiża.”+ Dawn qed jitfixklu għax m’humiex jobdu l-​kelma. Kien għal dan li nqatgħetilhom.+ 9 Imma intom “razza magħżula, saċerdozju rjali, ġens qaddis,+ poplu miksub bħala proprjetà speċjali,+ sabiex ixxandru maʼ kullimkien il-​kwalitajiet eċċellenti”+ taʼ dak li sejħilkom mid-​dlam għal ġod-​dawl tiegħu taʼ l-​għaġeb.+ 10 Għax darba ma kontux poplu, imma issa l-​poplu t’Alla;+ kontu dawk li ma ntweritilhomx ħniena, imma issa sirtu dawk li ntweritilhom ħniena.+

11 Maħbubin, bħala barranin u residenti temporanji,+ inħeġġiġkom biex tibqgħu titbiegħdu mix-​xewqat tal-​laħam,+ għax huma dawn li jitqabdu kontra r-​ruħ.+ 12 Żommu kondotta tajba fost il-​ġnus,+ sabiex, f’dak li qed jgħidu kontrikom bħala li intom nies ħżiena, minħabba l-​għemejjel tajbin tagħkom+ li jaraw b’għajnejhom stess jigglorifikaw lil Alla fil-​jum taʼ l-​ispezzjoni tiegħu.+

13 Minħabba l-​Mulej issottomettu ruħkom+ lejn kull awtorità maħluqa mill-​bniedem:+ sew lejn sultan,+ bħala li hu superjuri, 14 u sew lejn gvernaturi, bħala li huma mibgħutin minnu biex jikkastigaw lil min jagħmel il-​ħażen u jfaħħru lil min jagħmel it-​tajjeb.+ 15 Għax hekk hi r-​rieda t’Alla: li, billi tagħmlu t-​tajjeb, tagħlqu ħalq in-​nies bla raġuni li jitkellmu b’injoranza.+ 16 Kunu bħal nies ħelsin,+ iżda żżommux il-​libertà tagħkom bħala għata għall-​ħażen,+ imma bħala lsiera t’Alla.+ 17 Onoraw lil kull xorta taʼ bnedmin,+ ħobbu l-​fratellanza kollha,+ ibżgħu minn Alla,+ onoraw lis-​sultan.+

18 Il-qaddejja fid-​djar ħa jkunu sottomessi+ lejn is-​sidien tagħhom bil-​biżaʼ kollu li hu mistħoqq,+ mhux biss lejn dawk li huma tajbin u raġunevoli, imma wkoll lejn dawk li diffiċli biex togħġobhom. 19 Għax jekk xi ħadd, minħabba l-​kuxjenza tiegħu quddiem Alla, jissaporti n-​niket u jbati inġustament, din hi ħaġa li togħġob Lilu.+ 20 Għax x’mertu jkollkom jekk, meta tidinbu u tiġu msawtin, tissaportu?+ Imma jekk tissaportu meta tagħmlu t-​tajjeb u tbatu,+ din hi ħaġa li togħġob lil Alla.+

21 Fil-fatt, għal dan il-​mod taʼ ħajja kontu msejħin, għax saħansitra Kristu sofra għalikom,+ u ħallielkom mudell biex timxu mill-​qrib wara l-​passi tiegħu.+ 22 Hu m’għamel ebda dnub,+ u ma nstabx qerq f’fommu.+ 23 Meta kien mgħajjar,+ m’għajjarx lura.+ Meta kien qed isofri,+ m’heddidx, imma baqaʼ jafda ruħu f’idejn dak+ li jiġġudika bil-​ġustizzja. 24 Hu ġarr dnubietna+ f’ġismu stess fuq iz-​zokk,+ sabiex neħilsu mid-​dnubiet+ u ngħixu għall-​ġustizzja. U “bil-​ġrieħi tiegħu ġejtu mfejqin.”+ 25 Għax kontu bħal nagħaġ, mitlufin;+ imma issa ġejtu lura għand ir-​ragħaj+ u l-​indokratur taʼ ruħkom.

3 Bl-istess mod,+ intom in-​nisa, kunu sottomessi+ lejn żwieġkom, sabiex, jekk xi wħud ma jkunux ubbidjenti+ lejn il-​kelma, dawn jintrebħu+ mingħajr ebda kelma permezz tal-​kondotta tan-​nisa tagħhom,+ 2 għax ikunu raw b’għajnejhom stess il-​kondotta safja tagħkom+ flimkien mar-​rispett profond. 3 U tħallux it-​tiżjin tagħkom ikun dak minn barra, l-​immaljar tax-​xagħar+ u l-​ilbis t’ornamenti tad-​deheb+ jew taʼ ħwejjeġ, 4 imma ħa jkun dak tal-​persuna minn ġewwa,+ fil-​qalb, imżejna bi spirtu+ kwiet u ġwejjed li ma jitħassarx+ u li hu taʼ valur kbir f’għajnejn Alla. 5 Għax hekk ukoll qabel kienu jiżżejnu n-​nisa qaddisa li kienu jittamaw f’Alla, billi jissottomettu ruħhom lejn żwieġhom, 6 bħalma Sara kienet tobdi lil Abraham u ssejjaħlu “sidi.”+ U intom sirtu wliedha, dment li tibqgħu tagħmlu t-​tajjeb u ma tibżgħu minn ebda twerwir.+

7 Bl-istess mod,+ intom l-​irġiel miżżewġin komplu għammru man-​nisa tagħkom skond l-​għarfien,+ billi tonoraw+ lill-​mara bħala reċipjent iktar dgħajjef, ladarba intom ukoll werrieta+ magħhom taʼ l-​għotja mhix mistħoqqa tal-​ħajja, sabiex ma jkunx hemm tfixkil għat-​talb tagħkom.+

8 Fl-aħħarnett, intom ilkoll kunu fehma waħda,+ billi tħossu għal xulxin, turu affezzjoni lejn l-​aħwa, tagħdru b’tenerezza,+ tkunu umli,+ 9 u tpattux ħsara bi ħsara+ jew tgħajjir b’tgħajjir,+ imma, għall-​kuntrarju, bierku,+ għax għal dan kontu msejħin, sabiex tkunu tistgħu tirtu barka.

10 Għax, “min iħobb il-​ħajja u jrid jara jiem tajbin,+ ħa jrażżan ilsienu+ mill-​ħażen u xofftejh milli jitkellmu l-​qerq,+ 11 u ħa jitbiegħed mill-​ħażen+ u jagħmel it-​tajjeb; ħa jfittex il-​paċi u jiġri warajha.+ 12 Għax għajnejn+ Ġeħova huma fuq in-​nies sewwa, u widnejh miftuħin għat-​talb bil-​ħerqa tagħhom;+ imma Ġeħova jdawwar wiċċu lil hinn minn dawk li qed jagħmlu l-​ħażen.”+

13 Tabilħaqq, min jistaʼ jagħmlilkom il-​ħsara jekk tkunu żelużi għat-​tajjeb?+ 14 Imma anki jekk ikollkom issofru minħabba s-​sewwa, tkunu henjin.+ Madankollu, tibżgħux minn dak li jibżgħu minnu huma,+ u tinkwetawx.+ 15 Iżda qaddsu lill-​Kristu bħala Mulej fi qlubkom,+ u kunu dejjem lesti li tiddefendu ruħkom+ quddiem kulmin ikun irid raġuni għat-​tama li għandkom, imma dan agħmluh bil-​ħlewwa+ u b’rispett profond.

16 Żommu kuxjenza tajba,+ sabiex, f’dak li qed jgħidu kontrikom, dawk li qed jitkellmu b’disprezz dwar il-​kondotta tajba tagħkom fi Kristu+ jistħu.+ 17 Għax ikun aħjar li tbatu għax tagħmlu t-​tajjeb,+ jekk din hi r-​rieda t’Alla, milli għax tagħmlu l-​ħażin.+ 18 Tabilħaqq, saħansitra Kristu miet darba għal dejjem minħabba d-​dnubiet,+ bniedem ġust għall-​inġusti,+ sabiex imexxikom lejn Alla,+ hu li ngħata l-​mewt fil-​laħam,+ imma ngħata l-​ħajja fl-​ispirtu.+ 19 F’dan l-​istat mar ukoll jippriedka lill-​ispirti fil-​ħabs+ 20 li darba kienu diżubbidjenti,+ meta Alla+ qagħad jistenna bil-​paċenzja fi żmien Noè, waqt li kienet qed tinbena l-​arka,+ li fiha ftit nies, jiġifieri, tmien erwieħ, inġarrew mill-​ilma u ġew salvati.+

21 Dik li hi ekwivalenti għal dan issa qed issalva lilkom ukoll,+ jiġifieri, il-​magħmudija, (mhux it-​tneħħija tal-​ħmieġ tal-​laħam, imma t-​talba lil Alla għal kuxjenza tajba,)+ permezz taʼ l-​irxoxt taʼ Ġesù Kristu.+ 22 Hu qiegħed fuq il-​leminija t’Alla,+ għax mar fis-​sema; u l-​anġli+ u l-​awtoritajiet u l-​qawwiet intgħamlu sottomessi lejh.+

4 Għalhekk, ladarba Kristu sofra fil-​laħam,+ intom ukoll armaw lilkom infuskom bl-​istess dispożizzjoni mentali;+ għax min sofra fil-​laħam ma baqax jidneb,+ 2 bl-għan li l-​bqija taʼ ħajtu fil-​laħam+ ma jgħixhiex iktar għax-​xewqat tal-​bnedmin, imma għar-​rieda t’Alla.+ 3 Għax iż-​żmien+ li għadda kien biżżejjed għalikom biex tagħmlu r-​rieda tal-​ġnus+ meta wettaqtu għemejjel taʼ kondotta laxka,+ passjonijiet, xorb żejjed taʼ nbid,+ xalar, imħatri min jixrob l-​iktar, u idolatriji kontra l-​liġi.+ 4 Peress li ma tkomplux tiġru magħhom f’din it-​triq lejn l-​istess livell baxx taʼ ħajja sfrattata,+ huma jitħawdu u jibdew jgħajrukom.+ 5 Imma dawn in-​nies iridu jagħtu kont lil dak+ li hu lest biex jiġġudika lill-​ħajjin u lill-​mejtin.+ 6 Fil-fatt, kien għalhekk li l-​aħbar tajba xxandret ukoll lill-​mejtin,+ biex jiġu ġudikati skond il-​laħam mill-​ħarsa tal-​bnedmin+ imma jkunu jistgħu jgħixu skond l-​ispirtu+ mill-​ħarsa t’Alla.

7 Imma qorob it-​tmiem taʼ kollox.+ Għalhekk, kunu moħħkom f’loku,+ u oqogħdu attenti u tittraskurawx it-​talb.+ 8 Fuq kollox, ħa jkollkom imħabba profonda lejn xulxin,+ għax l-​imħabba tgħatti kotra taʼ dnubiet.+ 9 Uru l-​ospitalità maʼ xulxin mingħajr tgergir.+ 10 Bħala prokuraturi mill-​aħjar tal-​qalb tajba mhix mistħoqqa t’Alla espressa b’diversi modi, aqdu lil xulxin skond l-​għotja li rċieva kull wieħed minnkom.+ 11 Jekk xi ħadd jitkellem, ħa jitkellem bħallikieku qed jgħid id-​dikjarazzjonijiet sagri+ t’Alla; jekk xi ħadd jaqdi,+ ħa jaqdi bħala wieħed li jiddependi mis-​saħħa li jagħti Alla;+ sabiex Alla jiġi glorifikat+ f’kollox permezz taʼ Ġesù Kristu. Tiegħu huma l-​glorja+ u s-​setgħa għal dejjem taʼ dejjem. Amen.

12 Maħbubin, titħawdux minħabba n-​nar li qed jaqbad fostkom u li qed isirilkom bħala prova,+ bħallikieku qed tiġrilkom xi ħaġa stramba. 13 Għall-kuntrarju, ibqgħu thennew+ għax qed tieħdu sehem fis-​sofferenzi tal-​Kristu,+ sabiex tithennew u tifirħu bil-​kbir ukoll matul ir-​rivelazzjoni+ tal-​glorja tiegħu. 14 Jekk qed jgħajrukom minħabba isem Kristu,+ henjin intom,+ għax l-​ispirtu tal-​glorja, iva, l-​ispirtu t’Alla, qed jistrieħ fuqkom.+

15 Madankollu, ħalli ħadd minnkom ma jsofri+ bħala qattiel jew ħalliel jew raġel ħażin jew wieħed li jindaħal+ fi ħwejjeġ ħaddieħor. 16 Imma jekk isofri+ bħala Kristjan, ħa ma jistħix,+ imma jkompli jigglorifika lil Alla f’dan l-​isem. 17 Għax hu ż-​żmien stabbilit biex il-​ġudizzju jibda mid-​dar t’Alla.+ Issa jekk l-​ewwel jibda bina,+ x’se jkun it-​tmiem għal dawk li ma jobdux l-​aħbar tajba t’Alla?+ 18 “U jekk hu diffiċli li l-​ġust jiġi salvat,+ fejn se jidher il-​bniedem bla devozzjoni lejn Alla, il-​midneb?”+ 19 Għalhekk, mela, dawk li qed isofru fi qbil mar-​rieda t’Alla ħa jkomplu jirrikkmandaw ruħhom lill-​Ħallieq leali waqt li jagħmlu t-​tajjeb.+

5 Għalhekk, inħeġġeġ lill-​anzjani fostkom, għax jien ukoll anzjan+ bħalhom u xhud+ tat-​tbatijiet tal-​Kristu u għandi sehem ukoll mill-​glorja li trid tiġi rivelata:+ 2 Irgħu+ l-​merħla t’Alla+ li hemm fil-​ħarsien tagħkom, mhux bilfors, imma minn jeddkom;+ mhux għall-​imħabba tal-​qligħ diżonest,+ imma bil-​ħerqa; 3 u mhux billi tiddominaw+ fuq dawk li huma l-​wirt t’Alla,+ imma billi ssiru eżempji għall-​merħla.+ 4 U meta jintwera r-​ragħaj ewlieni,+ tirċievu l-​kuruna tal-​glorja+ li ma tidbielx.+

5 Bl-istess mod, intom l-​irġiel żgħażagħ, kunu sottomessi+ lejn l-​irġiel xjuħ. U lkoll kemm intom tħażżmu bl-​umiltà lejn xulxin,+ għax Alla jopponi lis-​suppervi, imma juri qalb tajba mhix mistħoqqa maʼ l-​umli.+

6 Għalhekk, umiljaw ruħkom taħt l-​id setgħana t’Alla, sabiex jeżaltakom fiż-​żmien xieraq;+ 7 waqt li titfgħu l-​ansjetà+ kollha tagħkom fuqu, għax hu jimpurtah minnkom.+ 8 Ibqgħu f’sensikom, oqogħdu għassa.+ L-​avversarju tagħkom, ix-​Xitan, iħuf bħal iljun jgħajjat, jipprova jiblaʼ lil xi ħadd.+ 9 Imma intom iqfulu,+ sodi fil-​fidi, għax tafu li sofferenzi bħal dawn qed iseħħu fil-​fratellanza kollha fid-​dinja.+ 10 Imma, wara li tkunu sofrejtu għal ftit,+ l-​Alla taʼ kull qalb tajba mhix mistħoqqa, li sejħilkom għall-​glorja tiegħu taʼ dejjem+ f’unjoni+ maʼ Kristu, itemm hu stess it-​taħriġ tagħkom, jissodakom,+ u jsaħħaħkom.+ 11 Lilu tkun is-​setgħa+ għal dejjem. Amen.

12 Permezz taʼ Silvanu,*+ ħu leali, kif inqisu jien, ktibtilkom bi ftit kliem+ biex ninkuraġġikom u nixhed bil-​ħeġġa li din hi l-​qalb tajba mhix mistħoqqa vera t’Alla; żommu sod fiha.+ 13 Dik li qiegħda f’Babilonja+ u li hi magħżula bħalkom tibgħat isselli għalikom, u jselli għalikom ukoll ibni Marku.+ 14 Agħtu merħba lil xulxin b’bewsa taʼ mħabba.+

Il-paċi magħkom ilkoll li qegħdin f’unjoni maʼ Kristu.+