L-​Ittra taʼ Ġakbu

1 Ġakbu,*+ ilsir+ t’Alla u tal-​Mulej Ġesù Kristu, lit-​tnax-il tribù+ mxerrdin+ maʼ kullimkien:

Insellmilkom!

2 Qisuh bħala ferħ mill-​akbar, ħuti, meta tiltaqgħu maʼ diversi provi,+ 3 għax bħalma tafu, meta l-​fidi tagħkom tgħaddi mill-​provi tipproduċi s-​sabar.+ 4 Imma ħallu s-​sabar iwettaq xogħlu għalkollox, sabiex b’hekk tkunu kompluti+ u sħaħ f’kull aspett bla ma jonqoskom xejn.+

5 Mela, jekk xi ħadd minnkom jonqsu l-​għerf,+ ħa jibqaʼ jitlob lil Alla,+ għax hu jagħti b’mod ġeneruż u mingħajr ma jċanfar lil ħadd;+ u jingħatalu.+ 6 Imma ħa jibqaʼ jitlob+ bil-​fidi, bla ma jiddubita xejn,+ għax min jiddubita hu bħal mewġa tal-​baħar immexxija mir-​riħ+ u mitfugħa ’l hemm u ’l hawn. 7 Fil-fatt, ħa ma jistenniex dan il-​bniedem li se jaqlaʼ xi ħaġa mingħand Ġeħova;+ 8 hu bniedem indeċiż+ u mhux sod+ f’kulma jagħmel.

9 Imma ħa jifraħ ħuna l-​fqir minħabba l-​eżaltazzjoni tiegħu,+ 10 u l-​għani+ minħabba l-​umiljazzjoni tiegħu, għax dan bħal fjura qalb il-​ħaxix se jmut.+ 11 Bħalma x-​xemx titlaʼ bi sħana taħraq u tnixxef il-​ħaxix, u l-​fjura tiegħu taqaʼ u jgħib il-​ġmiel tad-​dehra tiegħu, hekk ukoll l-​għani se jidbiel f’dak li jagħmel f’ħajtu.+

12 Hieni l-​bniedem li jibqaʼ jissaporti l-​provi,+ għaliex meta jiġi approvat jirċievi l-​kuruna tal-​ħajja,+ li Ġeħova wiegħed lil dawk li jibqgħu jħobbuh.+ 13 Meta jkun għaddej minn prova,+ ħalli ħadd ma jgħid: “Alla qed jgħaddini minn prova.” Għax Alla la jistaʼ jiġi provat u lanqas ma jipprova lil ħadd b’affarijiet ħżiena. 14 Imma kull bniedem jiġi provat billi jkun miġbud u mħajjar mix-​xewqa tiegħu stess.+ 15 Imbagħad, meta x-​xewqa ssir fertili, tiled id-​dnub;+ u meta d-​dnub jitwettaq, iġib il-​mewt.+

16 Titqarrqux,+ ħuti maħbubin. 17 Kull għotja tajba+ u kull rigal perfett ġej minn fuq,+ għax jinżel mingħand il-​Missier tad-​dwal tas-​sema.+ Hu ma jinbidilx u m’huwiex bħal dell li jiċċaqlaq.+ 18 Fi qbil mar-​rieda tiegħu,+ hu nissilna bil-​kelma tal-​verità,+ biex inkunu fost l-​ewwel frott+ tal-​ħlejjaq tiegħu.

19 Kunu afu dan, ħuti maħbubin. Kull bniedem irid ikun ħafif biex jismaʼ, tqil biex jitkellem,+ tqil biex jinkorla;+ 20 għax il-​korla tal-​bniedem ma twettaqx dak li hu sewwa f’għajnejn Alla.+ 21 Għalhekk, warrbu l-​ħmieġ kollu u dik il-​ħaġa żejda—il-​ħażen+—u aċċettaw bil-​ħlewwa li fikom titħawwel il-​kelma+ li tistaʼ ssalvalkom ruħkom.+

22 Madankollu, qisu li tagħmlu l-​kelma,+ u mhux tisimgħuha biss, u b’hekk tqarrqu bikom infuskom bi rraġunar falz.+ 23 Għax jekk xi ħadd jismaʼ l-​kelma u ma jagħmilhiex,+ dan qisu wieħed li jħares lejn wiċċu naturali f’mera. 24 Iħares lejn wiċċu u jitlaq ’l hemm, u minnufih jinsa liema xorta taʼ bniedem hu. 25 Imma min iħares fiss lejn il-​liġi perfetta+ tal-​libertà u jibqaʼ jagħmel hekk, peress li dan ma jkunx wieħed li jismaʼ u jinsa imma wieħed li jobdi l-​kelma,+ ikun hieni+ li qed jagħmilha.

26 Jekk xi bniedem jaħseb li jqim lil Alla tajjeb+ u madankollu ma jrażżanx ilsienu,+ imma jkompli jqarraq b’qalbu stess,+ il-​qima taʼ dan il-​bniedem hi fiergħa.+ 27 Il-qima li hi nadifa+ u bla tinġis+ mill-​ħarsa t’Alla tagħna u Missierna hi din: li tieħu ħsieb l-​iltiema+ u r-​romol+ fit-​tribulazzjoni tagħhom,+ u li żżomm ruħek mingħajr tebgħa+ mid-​dinja.+

2 Ħuti, qegħdin intom tħarsu lejn l-​uċuħ+ waqt li tipprattikaw il-​fidi f’Ġesù Kristu, il-​Mulej u l-​glorja tagħna?+ 2 Per eżempju, f’xi laqgħa tagħkom+ jidħol raġel bi ċrieket tad-​deheb f’subgħajh u bi lbies impressjonanti, u jidħol ukoll raġel fqir bi lbies maħmuġ.+ 3 Madankollu titbissmu+ lil dak bi lbies impressjonanti u tgħidulu: “Poġġi hawnhekk f’post tajjeb,” u lill-​fqir tgħidulu: “Ibqaʼ bil-​wieqfa,” jew: “Poġġi hemmhekk taħt il-​banketta għal saqajja.” 4 Jekk tagħmlu dan, ma tkunux intom qed tagħmlu d-​distinzjonijiet tal-​klassi bejnietkom+ u tkunu sirtu mħallfin+ li jieħdu deċiżjonijiet ħżiena?+

5 Isimgħu, ħuti maħbubin. Mhux Alla kien li għażel lill-​foqra+ għad-​dinja biex ikunu għonja+ fil-​fidi u werrieta tas-​saltna, li hu wiegħed lil dawk li jħobbuh?+ 6 Iżda intom iddiżonorajtu lill-​fqir. Mhux l-​għonja jaħqrukom,+ u jkaxkrukom lejn il-​qrati?+ 7 Mhux huma jidgħu+ bl-​isem sabiħ li bih kontu msejħin?+ 8 Issa, jekk tibqgħu twettqu l-​liġi nobbli*+ skond l-​iskrittura: “Ħobb lill-​proxxmu tiegħek bħalek innifsek,”+ tkunu qed tagħmlu sew. 9 Imma jekk tkomplu tħarsu lejn l-​uċuħ,+ tkunu qed tidinbu, għax qed tiġu mwiddbin mil-​liġi+ talli qed tiksruha.

10 Għax kulmin josserva l-​Liġi kollha imma jonqos f’ħaġa waħda, ikun qed jiksirhom kollha.+ 11 Għax dak li qal: “Tagħmilx adulterju,”+ qal ukoll: “Toqtolx.”+ Issa, jekk int ma tagħmilx adulterju imma toqtol, tkun qed tikser il-​liġi. 12 Ibqgħu tkellmu u aġixxu bħala dawk li se jiġu ġudikati mil-​liġi taʼ poplu ħieles.+ 13 Għax min ma jipprattikax il-​ħniena se jiġi ġudikat mingħajr ħniena.+ Il-​ħniena tifraħ bir-​rebħa fuq il-​ġudizzju.

14 X’jiswa, ħuti, jekk xi ħadd jgħid li għandu l-​fidi+ imma m’għandux għemejjel?+ Din il-​fidi ma tistax issalvah, hux veru?+ 15 Jekk ħu jew oħt m’għandhomx x’jilbsu u huma neqsin mill-​ikel taʼ kuljum,+ 16 u madankollu wieħed minnkom jgħidilhom: “Morru fil-​paċi, isħnu u ixbgħu,” imma ma tagħtuhomx il-​bżonnijiet għal ġisimhom, x’jiswa?+ 17 Hekk ukoll il-​fidi, jekk m’għandhiex għemejjel,+ hi mejta fiha nfisha.

18 Minkejja dan, xi ħadd jistaʼ jgħid: “Int għandek il-​fidi, u jien għandi l-​għemejjel. Urini l-​fidi tiegħek mingħajr l-​għemejjel, u jien nurik il-​fidi tiegħi bl-​għemejjel tiegħi.”+ 19 Int temmen li hemm Alla wieħed, hux tassew?+ Qed tagħmel sew. U madankollu d-​demonji jemmnu u jirtogħdu.+ 20 Imma trid tkun taf, ja bniedem vojt, li l-​fidi mingħajr għemejjel hi inattiva? 21 Missierna+ Abraham mhux bl-​għemejjel ġie dikjarat ġust wara li kien offra lil ibnu Iżakk fuq l-​artal?+ 22 B’dan tistaʼ tara li l-​fidi tiegħu ħadmet id f’id maʼ l-​għemejjel tiegħu u b’dawn l-​għemejjel il-​fidi tiegħu saret perfetta,+ 23 u twettqet l-​iskrittura li tgħid: “Abraham poġġa l-​fidi f’Ġeħova, u dan ngħaddlu bħala ġustizzja,”+ u beda jissejjaħ “il-​ħabib taʼ Ġeħova.”+

24 B’hekk tistgħu taraw li bniedem jiġi dikjarat ġust+ bl-​għemejjel,+ u mhux bil-​fidi biss.+ 25 Bl-istess mod ma kinitx ukoll Raħab+ il-​prostituta dikjarata ġusta bl-​għemejjel, wara li kienet laqgħet lill-​messaġġiera bl-​ospitalità u bagħtithom minn triq oħra?+ 26 Tabilħaqq, bħalma l-​ġisem mingħajr l-​ispirtu hu mejjet,+ hekk ukoll il-​fidi mingħajr l-​għemejjel hi mejta.+

3 Mhux ħafna minnkom għandhom isiru għalliema,+ ħuti, għax nafu li aħna se nirċievu ġudizzju iktar iebes.+ 2 Għax ilkoll nitfixklu ħafna drabi.+ Jekk xi ħadd ma jitfixkilx f’dak li jgħid,+ dan ikun raġel perfett,+ kapaċi jliġġem ukoll lil ġismu kollu. 3 Jekk inpoġġu lġiem+ f’ħalq iż-​żwiemel biex jobduna,+ nikkontrollaw ukoll ġisimhom kollu. 4 Ara! Saħansitra l-​bastimenti, għalkemm huma kbar ħafna u jiġu mbottati minn irjieħ qawwijin, jiġu gwidati minn naqra taʼ tmun+ lejn id-​direzzjoni li jfettillu t-​tmunier.

5 Hekk, ukoll, l-​ilsien hu membru ċkejken u madankollu mimli ftaħir.+ Ara! Kif jaqbad bosk sħiħ b’daqsxejn nar! 6 Sewwa, l-​ilsien hu nar.+ L-​ilsien fih innifsu hu dinja taʼ ħażen fost il-​membri taʼ ġisimna, għax itebbaʼ l-​ġisem kollu+ u jagħti n-​nar lir-​rota tal-​ħajja tal-​bniedem u jingħata n-​nar minn Geħenna.* 7 Għax kull xorta taʼ bhejjem salvaġġi kif ukoll t’għasafar u ħlejjaq li jitkaxkru u ħlejjaq tal-​baħar jistgħu jiġu mmansati u ġew immansati mill-​bniedem.+ 8 Imma l-​ilsien, ħadd mill-​bnedmin ma jistaʼ jimmansah. Dan jagħmel ħafna ħsara, ma jitrażżanx, u mimli velenu li jġib il-​mewt.+ 9 Bih inbierku lil Ġeħova,+ il-​Missier,+ u madankollu bih nisħtu+ lill-​bnedmin li nħolqu “fix-​xebh t’Alla.”+ 10 Mill-istess fomm joħorġu l-​barka u s-​saħta.

Mhux xieraq, ħuti, li dawn l-​affarijiet ikomplu sejrin hekk.+ 11 L-ilma ħelu u l-​ilma morr ma jnixxux mill-​istess għajn,+ hux hekk? 12 Ħuti, tina ma tistax tagħmel iż-​żebbuġ jew dielja tagħmel it-​tin, hux hekk?+ Lanqas l-​ilma mielaħ ma jistaʼ jagħmel ilma ħelu.

13 Min hu għaref u kapaċi jifhem fostkom? Ħa juri bil-​kondotta tajba tiegħu l-​għemejjel tiegħu+ bil-​ħlewwa li ġejja mill-​għerf. 14 Imma jekk fi qlubkom għandkom għira kollha mrar+ u spirtu ġellied,+ tiftaħrux+ u tigdbux kontra l-​verità.+ 15 Dan m’huwiex l-​għerf li ġej minn fuq,+ imma hu taʼ l-​art,+ taʼ l-​annimali, tad-​demonji.+ 16 Għax fejn hemm l-​għira+ u l-​ġlied, hemm id-​diżordni u kull ħaġa vili.+

17 Imma l-​għerf+ li ġej minn fuq hu l-​ewwelnett safi,+ imbagħad iġib il-​paċi,+ hu raġunevoli,+ lest li jobdi, mimli ħniena u frott tajjeb,+ ma jagħmilx distinzjonijiet parzjali,+ mhux ipokrita.+ 18 Barra minn hekk, il-​frott+ tal-​ġustizzja+ jinżeraʼ f’kundizzjonijiet paċifiċi+ għal dawk li qegħdin iġibu l-​paċi.+

4 Minfejn ġejjin il-​gwerer u minfejn ġej il-​ġlied fostkom? Mhux minn dan ġejjin,+ jiġifieri, mix-​xenqiet tagħkom għall-​pjaċiri senswali li jitqabdu fil-​membri taʼ ġisimkom?+ 2 Tixtiequ, iżda m’għandkomx. Tibqgħu toqtlu+ u tixxennqu b’għira,+ iżda ma tistgħu tiksbu xejn. Tibqgħu tiġġieldu+ u tiggwerraw. M’għandkomx, għax ma titolbux. 3 Titolbu, iżda ma taqilgħux, għax qegħdin titolbu għal skop ħażin,+ biex ikollkom xi tberbqu fix-​xenqiet għall-​pjaċiri senswali.+

4 Adulteri,+ ma tafux li l-​ħbiberija mad-​dinja hi għadwa m’Alla?+ Għalhekk, kulmin irid ikun ħabib+ tad-​dinja qed jagħmel lilu nnifsu għadu t’Alla.+ 5 Jew jidhrilkom li għalxejn l-​iskrittura tgħid: “Huwa b’tendenza għall-​għira li l-​ispirtu+ li qed jgħammar fina jibqaʼ jixxennaq”? 6 Iżda, il-​qalb tajba mhix mistħoqqa li Hu juri hi akbar.+ Għaldaqstant tgħid: “Alla jopponi lis-​suppervi,+ imma juri qalb tajba mhix mistħoqqa maʼ l-​umli.”+

7 Għalhekk, issottomettu ruħkom+ lejn Alla; imma opponu lix-​Xitan,+ u hu jaħrab minnkom.+ 8 Ersqu qrib lejn Alla, u hu jersaq qrib lejkom.+ Naddfu idejkom, midinbin,+ u saffu qlubkom,+ intom l-​indeċiżi.+ 9 Kunu miżerabbli u tnikktu u ibku.+ Ħa jinbidel id-​daħq tagħkom f’niket, u l-​ferħ tagħkom fi dwejjaq.+ 10 Umiljaw ruħkom f’għajnejn Ġeħova,+ u hu jeżaltakom.+

11 Tibqgħux titkellmu kontra xulxin, ħuti.+ Min jitkellem kontra ħuh jew jiġġudika+ lil ħuh ikun qed jitkellem kontra l-​liġi u jiġġudika l-​liġi. Issa, jekk tiġġudika l-​liġi, m’intix qed tagħmel dak li trid il-​liġi, imma qed tagħmilha taʼ mħallef.+ 12 Wieħed hu l-​leġislatur u l-​imħallef,+ dak li kapaċi jsalva u jeqred.+ Imma int, min int biex tiġġudika lill-​proxxmu tiegħek?+

13 Ejjew, issa, intom li tgħidu: “Illum jew għada nivvjaġġaw lejn din il-​belt u nqattgħu sena hemmhekk, u ninnegozjaw u nagħmlu l-​qligħ,”+ 14 filwaqt li ma tafux x’se jsir minnkom għada,+ għax intom ċpar li jidher għal ftit u mbagħad jgħib.+ 15 Minflok, għandkom tgħidu: “Jekk Ġeħova jrid,+ nibqgħu ħajjin u nagħmlu wkoll dan jew dak.”+ 16 Imma issa titkabbru bil-​ftaħir bikom infuskom.+ Din il-​kburija kollha hi tassew ħażina. 17 Għalhekk, jekk wieħed ikun jaf kif jagħmel dak li hu sewwa u ma jagħmlux,+ ikun qed jidneb.+

5 Ejjew, issa, intom l-​għonja,+ ibku, newħu minħabba l-​miżerji li ġejjin fuqkom.+ 2 Ir-rikkezzi tagħkom tmermru, u ħwejjiġkom ittieklu mill-​kamla.+ 3 Id-deheb u l-​fidda tagħkom imsaddin, u s-​sadid tagħhom se jixhed kontrikom u jiklilkom laħamkom. Xi ħaġa bħal nar+ ħżintu+ fl-​aħħar jiem.+ 4 Ara! Il-​pagi li għandhom jieħdu l-​ħaddiema li ħasdulkom l-​għelieqi imma li qed iżżommu għandkom+ ikomplu jgħajtu,+ u s-​sejħiet tal-​ħassada għall-​għajnuna+ waslu f’widnejn+ Ġeħova taʼ l-​armati. 5 Intom għextu fil-​lussu fuq l-​art u ntlaqtu għall-​pjaċiri senswali.+ Semmintu qlubkom sa jum il-​qatla.+ 6 Intom ikkundannajtu u qtiltu lill-​ġust. M’huwiex qed jiħodha kontra tagħkom?+

7 Għalhekk, ħuti, kunu paċenzjużi sal-​preżenza+ tal-​Mulej. Ara! Il-​bidwi jibqaʼ jistenna l-​frott prezzjuż taʼ l-​art, u jistennieh bil-​paċenzja sakemm ikollu l-​ewwel u l-​aħħar xita.+ 8 Intom ukoll kunu paċenzjużi;+ issodaw lil qlubkom, għax il-​preżenza tal-​Mulej qorbot.+

9 Tkunux imdejqin b’xulxin, ħuti, sabiex ma tiġux ġudikati.+ Ara! L-​Imħallef qiegħed wieqaf quddiem il-​bieb.+ 10 Ħuti, ħudu bħala mudell+ lill-​profeti+ li tkellmu f’isem Ġeħova,+ sofrew il-​ħażen,+ u kienu paċenzjużi.+ 11 Ara! Aħna niddikjaraw henjin lil dawk li ssaportew.+ Smajtu bis-​sabar taʼ Ġob+ u rajtu t-​tmiem li tah Ġeħova;+ għax Ġeħova juri affezzjoni b’tenerezza kbira u hu mimli ħniena.+

12 Iżda fuq kollox, ħuti, tibqgħux taħilfu, iva, la bis-​sema, la bl-​art, u lanqas b’xi ħalfa oħra.+ Imma ħallu l-​Iva tagħkom ikun Iva, u l-​Le, Le, sabiex ma tiġux ġudikati.+

13 Hemm xi ħadd li qed isofri l-​ħażen fostkom? Ħa jkompli jitlob.+ Hemm xi ħadd b’burdata tajba? Ħa jkanta s-​salmi.+ 14 Hemm xi ħadd marid fostkom?+ Ħa jsejjaħ għandu lill-​anzjani+ tal-​kongregazzjoni, u ħa jitolbu għalih, jidilkuh biż-​żejt+ f’isem Ġeħova. 15 U t-​talb tal-​fidi jfejjaq lill-​marid,+ u Ġeħova jqajmu.+ Ukoll, jekk ikun għamel xi dnubiet, jinħafrulu.+

16 Għalhekk, stqarru bil-​miftuħ+ dnubietkom lil xulxin u itolbu għal xulxin sabiex tfiqu.+ It-​talb bil-​ħerqa tal-​ġust għandu qawwa kbira f’dak li jistaʼ jwettaq.+ 17 Elija kien raġel b’sentimenti bħal tagħna,+ u madankollu talab biex ma tagħmilx xita;+ u m’għamlitx xita fuq l-​art għal tliet snin u sitt xhur. 18 U reġaʼ talab, u s-​sema ta x-​xita u l-​art tat il-​frott.+

19 Ħuti, jekk xi ħadd fostkom jiġi żvijat mill-​verità u ħaddieħor idawru lura,+ 20 kunu afu li dak li jreġġaʼ midneb lura mill-​iżball+ li kien miexi fih isalvalu ruħu mill-​mewt+ u jgħatti kotra taʼ dnubiet.+