Pubblikazzjoni Bi Skop
PRINĊIPAL taʼ librerija pubblika fi Praga, fir-Repubblika Ċeka, wiżen bir-reqqa r-rivista Stenbaħ! u poġġa l-konklużjonijiet tiegħu f’żewġ paġni fuq tabella taʼ tagħrif fil-librerija. Fost l-affarijiet li kiteb kien hemm dan li ġej:
“Jien m’iniex wieħed mix-Xhieda taʼ Jehovah. M’iniex xi wieħed li nappoġġahom b’mod devot u lanqas, mill-banda l-oħra, ma jien xi opponent ferventi tal-Watch Tower Society. Minkejja dan, ma nistaʼ nagħmel xejn ħlief li nirrikkmanda kordjalment ir-rivista Stenbaħ!, li issa ili naqraha għal xi ftit taż-żmien. Jekk biss biss taqra t-titlu tagħha kuljum ukoll jagħmillek tajjeb ħafna. Madankollu, mhux biss it-titlu imma wkoll il-kontenut minnu nnifsu taʼ din ir-rivista huma taʼ suppliment tajjeb għar-rivisti kummerċjali . . .
“Stenbaħ! għandu konċett maħsub sew. Joffri artikli fuq suġġetti li rivisti oħrajn ma jippubblikawhomx għal diversi raġunijiet. Jipponta lejn l-implikazzjonijiet, jeduka fil-kuxjenza globali . . . Stenbaħ! ma jiġġudikax. Joffri fatti u l-ħarsiet taʼ l-awtoritajiet, juri l-lat pożittiv kif ukoll dak negattiv, jikkonfronta problemi kurrenti bi kwotazzjonijiet mill-Bibbja, u jħalli lill-qarrej jiġġudika għalih innifsu. Iktar minn hekk, Stenbaħ! isaqsi—u jgħallem lill-qarrejja biex isaqsu—mistoqsijiet.”
F’paġna 4 taʼ kull rivista, is-sezzjoni “Għala Stenbaħ! Huwa Pubblikat” tispjega: “L-iktar importanti, din ir-rivista tibni fiduċja fil-wegħda tal-Ħallieq għal dinja ġdida mimlija paċi u sigurtà li dalwaqt se tieħu post is-sistema preżenti t’affarijiet li hija mill-agħar u mingħajr liġi.”
Int se ssib din il-wegħda t’Alla diskussa fl-aħħar żewġ sezzjonijiet tal-browxer bi 32 paġna X’Inhu l-Iskop tal-Ħajja?—Kif Tistaʼ Ssibu? Dawn is-sezzjonijiet huma intitolati “L-Iskop t’Alla Dalwaqt se jiġi Rrealizzat” u “Għix għal Dejjem f’Ġenna tal-Art.” Tistaʼ tirċievi dan il-browxer billi timla u tibgħat il-kupun mehmuż lill-indirizz muri fuq il-kupun jew f’indirizz li japplika għalik imniżżel f’paġna 5 taʼ din ir-rivista.
□ Ibagħtuli kopja tal-browxer X’Inhu l-Iskop tal-Ħajja?—Kif Tistaʼ Ssibu?
□ Jekk jogħġobkom ikkuntattjawni rigward studju tal-Bibbja fid-dar b’xejn.