“Ma Jiddispjaċini Xejn”

“Jien inħobb naqra l-​gazzetti, ir-​rumanzi kif ukoll il-​poeżiji, imma qatt ma kont interessat li naqra Stenbaħ!” jikteb wieħed min-​naħa taʼ fuq tal-​Brażil. “Kull meta kont nara lix-​Xhieda taʼ Jehovah ġejjin, kont nagħlaq il-​bieb taʼ l-​appartament modest tiegħi u ma nagħmel l-​ebda ħoss biex ma jissuspettawx li qiegħed id-​dar. Meta kont inkellimhom, kont nagħmel dan sabiex nieħu r-​rivisti malajr u nitfagħhom xi mkien mingħajr ma naqrahom.

“Darba waħda ma kelli xejn x’naqra u qbadt l-​Awake! tat-​22 taʼ Settembru, 1997, li fuq il-​faċċata kellu t-​titlu ‘Beware of Swindlers!’ (Attenti mill-​Imbroljuni!) Laqatni ħafna l-​mod ċar li bih ġie preżentat it-​tagħrif u t-​tagħlim li kien fih. Mingħajr dewmien, qbadt infittex il-​kopji kollha li kont iddobbajt fil-​passat u li kelli jiġru ’l hawn u ’l hemm fid-​dar. Imbagħad ikkuntattjajt lil wieħed mix-​Xhieda taʼ Jehovah u abbonajt fi Stenbaħ! Issa ili tmien xhur nirċievi u naqra din ir-​rivista, u ma jiddispjaċini xejn.”

Kif forsi tistaʼ tobsor, ix-​Xhieda taʼ Jehovah jipproduċu pubblikazzjonijiet oħrajn li jiffokaw fuq suġġetti li ħafna nies jixtiequ jsiru jafu iktar dwarhom. Ħafna jistaqsu: “Veru li Alla jimpurtah mill-​bnedmin? Jekk inhu hekk, għala jħallina nsofru? Is-​sofferenza qatt se tintemm?” Dawn il-​mistoqsijiet jitwieġbu fil-​browxer taʼ 32 paġna Veru li Alla Jimpurtah Minna? Int tistaʼ tikseb kopja billi timla u timposta l-​kupun t’hawn taħt fl-​indirizz provdut fuq il-​kupun jew fl-​indirizz addattat imniżżel f’paġna 5 taʼ din ir-​rivista.

□ Ibagħtuli kopja tal-​browxer Veru li Alla Jimpurtah Minna? Indika b’liema lingwa.

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.