Tafha T-Tweġiba?
(It-tweġibiet għal dan il-kwizz jistgħu jinstabu fil-versi ċitati mill-Bibbja, u l-lista sħiħa taʼ tweġibiet hija stampata f’paġna 30. Għal iktar tagħrif, irreferi għall-pubblikazzjoni “Insight on the Scriptures,” pubblikata mill-Watchtower Bible and Tract Society of New York, Inc.)
1. L-appostlu Ġwanni lil min ra “f’nofs il-kandelabri” jagħtih xi messaġġi għas-sebaʼ kongregazzjonijiet? (Apokalissi 1:13)
2. Pawlu x’iwissi lil kull wieħed u waħda minna biex nagħmlu minflok ma nħallu ‘l-ħażen jirbaħna’? (Rumani 12:21)
3. Ġesù x’ried jgħid meta qal: “Jekk xi ħadd iġagħlek timxi miegħu mil wieħed, mur miegħu tnejn”? (Mattew 5:41)
4. Skond il-parir taʼ l-appostlu Pietru, biex kellhom jiżżejnu n-nisa Kristjani miżżewġin, minflok bid-dafra tax-xagħar u t-tiżjin tad-deheb? (1 Pietru 3:3, 4)
5. Isaija x’sejjaħlu lil Abraham, li kien ifisser li hu l-missier uman tal-ġens taʼ Iżrael? (Isaija 51:1)
6. Meta David kien fl-għar taʼ Għadullam, u t-tliet gwerriera ġabulu l-ilma minn Betlehem, hu għala ma riedx jixorbu? (2 Samwel 23:15-17)
7. X’kienet qed tagħmel Batseba meta David raha għall-ewwel darba? (2 Samwel 11:2)
8. Pawlu biex qal li kienu miktubin il-qlub tal-Kristjani Korintin, minflok bil-linka? (2 Korintin 3:3)
9. Jehovah x’uża biex ineħħi l-ġradijiet tat-tmien kastig, biex b’hekk ma kienx baqaʼ ġrad wieħed fl-Eġittu? (Eżodu 10:19)
10. Jehovah għala qatlu lil Sawl? (1 Kronaki 10:13)
11. Meta kien priġunier fi triqtu lejn Ruma, Pawlu f’liema belt, li kienet ukoll port, bidel il-ġifen? (Atti 27:5)
12. Jehovah kif wera kemm kien jimpurtah mir-romol u l-iltiema f’Iżrael tal-qedem? (Eżodu 22:21-23 [22:22-24, NW]; Dewteronomju 24:17-21)
13. Meta Ġuda tefaʼ l-flus fit-tempju u l-qassisin xtraw l-għalqa bihom, x’issemmiet imbagħad dik l-għalqa? (Mattew 27:3-8; Atti 1:19)
14. Pietru għala ċanfru sew lil Xmun talli kien offra l-flus biex tingħatalu s-setgħa li jagħti l-ispirtu qaddis lil oħrajn? (Atti 8:20, 21)
15. Sara kemm kellha żmien meta wildet lil Iżakk? (Ġenesi 17:17)
16. Meta kien hemm l-għaks Elimelek u martu Nagħomi lejn liema pajjiż emigraw, fejn imbagħad binhom Maħlon iżżewweġ lil Rut? (Rut 1:1-4)
It-Tweġibiet għall-Kwizz
1. Ġesù Kristu, li Ġwanni ddeskrivieh bħala “wieħed qisu Iben taʼ bniedem”
2. “Irbaħ il-ħażen bit-tajjeb”
3. Kien qed juri l-bżonn li wieħed jissottometti ruħu minn jeddu għal xi ħaġa leġittima li jintalab jagħmel
4. “Tiżjin li ma jitħassarx; hi l-qalb ħelwa u twajba”
5. “Il-blata mnejn inqtajtu”
6. Għax kien jirrappreżenta demmhom, li kienu ssograw biex imorru jġibuh
7. Tinħasel
8. “Bl-ispirtu taʼ Alla l-ħaj”
9. Riħ qawwi mill-baħar ġarrhom għal Baħar il-Qasab
10. Hu wera infedeltà lejn Jehovah billi ma segwiex l-istruzzjonijiet tiegħu u billi mar għand min jeħber bil-mejtin
11. Mira f’Liċja
12. Ħa ħsieb li jkollhom affarijiet materjali u ikel
13. Ħakeldama, jew “Għalqa tad-Demm”
14. Wera li l-motiv tiegħu kien ħażin, għax ried jixtri dan ‘id-don t’Alla’ li kien b’xejn, u qalbu ‘ma kinitx sinċiera quddiem Alla’
15. Kellha 90 sena
16. Mowab