L-​Iktar Laqgħa Importanti tas-​Sena

Immaġina li tkun qed tbati minn marda li tpoġġilek ħajtek fil-​periklu. Il-​kirurġija tistaʼ tfejqek, imma l-​operazzjoni tqum ħafna iktar flus milli taffordja. Issa nagħmlu mod li jiġi benefattur u joffri li jħallaslek l-​operazzjoni. Ma tkunx grat għal dan ir-​rigal li jsalvalek ħajtek?

Il-Bibbja tgħallem li l-​ewwel bnedmin, Adam u Eva, għaddew id-​dnub u l-​mewt lid-​dixxendenti tagħhom kollha. Allura, f’ċertu sens, kull wieħed minna twieled b’marda fatali​—u ħadd minna ma jaffordja l-​kura għaliha. (Salm 49:​8-10 [49:​7-9, NW]) Madankollu, Alla Jehovah ipprovda lil Ibnu, Ġesù Kristu, bħala fidwa biex iħallas il-​prezz taʼ dnubietna. Permezz taʼ dan ir-​rigal li jsalvalna ħajjitna, aħna għandna l-​opportunità li ngħixu għal dejjem f’Ġenna taʼ l-​art.​—Rumani 6:23.

Nhar l-​Erbgħa, 16 t’April, wara nżul ix-​xemx, ix-​Xhieda taʼ Jehovah se jfakkru l-​mewt taʼ Ġesù. Is-​sena l-​oħra attendew iktar minn 15,000,000 ruħ​—il-​maġġorparti minnhom ma kinux Xhieda taʼ Jehovah. Inti mistieden biex tattendi t-​Tifkira tal-​mewt taʼ Kristu taʼ din is-​sena. Din tassew hija l-​iktar laqgħa importanti tas-​sena. Jekk jogħġbok iċċekkja max-​Xhieda taʼ Jehovah lokali għall-​ħin u l-​post eżatt.