Għalliema Tbiddel il-​Ħarsa Tagħha

◼ Ftit tas-​snin ilu, għalliema f’Batumi, fil-​pajjiż tal-​Georgia, staqsiet lill-​istudenti tagħha biex jgħidu l-​Għaxar Kmandamenti wara xulxin. B’sorpriża għall-​għalliema, waħda mill-​istudenti tagħha, Anna, qalithom b’mod korrett. Hi wieġbet ukoll mistoqsijiet oħrajn mill-​Bibbja b’mod impressjonanti. L-​għalliema, b’kurżità, staqsietha kif kienet taf daqshekk. Meta Anna wieġbet li hi studjat il-​Bibbja max-​Xhieda taʼ Ġeħova, l-​għalliema waqqfitha u qaltilha li kienet tikkunsidrahom fanatiċi.

Darba minnhom, l-​għalliema staqsiet lill-​istudenti tagħha biex jiktbu komponiment dwar il-​ħajja fil-​Georgia u dwar id-​diversi problemi li n-​nies qed jiffaċċjaw f’pajjiżhom. Fl-​aħħar tal-​komponiment tagħha, Anna kitbet: “Kwalunkwe sforz li n-​nies qegħdin jagħmlu biex ikun hemm bidla kbira fis-​soċjetà se jkun bla suċċess għaliex, bħalma jgħid Ġeremija 10:23: ‘Triq il-​bniedem m’hijiex f’idejh. Lanqas min jimxi ma jistaʼ jidderieġi l-​passi tiegħu.’ Il-​problemi kollha se jiġu solvuti biss permezz tas-​Saltna t’Alla.”

L-għada, l-​għalliema faħħret il-​komponiment t’Anna mal-​klassi u qalet: “Għoġobni x-​xogħol uniku t’Anna, li kitbitu fi kliemha stess. Fih hi spjegat kif inhu possibbli li jinbidlu l-​kundizzjonijiet tad-​dinja.” L-​għalliema kienet ukoll impressjonata bl-​imġiba t’Anna, u bdiet tfaħħarha quddiem il-​klassi kollha għall-​manjieri tajbin u l-​ilbies modest tagħha.

Meta x-​Xhieda taʼ Ġeħova kkuntattjaw lill-​għalliema f’darha, hi qaltilhom li qabel kienet tqishom bħala fanatiċi imma issa biddlet il-​ħarsa tagħha minħabba Anna, l-​istudenta tagħha. Fl-​2007, l-​għalliema attendiet it-​Tifkira tal-​mewt taʼ Ġesù Kristu flimkien max-​Xhieda taʼ Ġeħova u semgħet il-​programm b’attenzjoni.

Wara t-​Tifkira, l-​għalliema t’Anna ammettiet li kienet verament impressjonata b’kemm ix-​Xhieda taʼ Ġeħova jafu l-​Bibbja sew. Issa x-​Xhieda qegħdin jistudjaw il-​Bibbja magħha regolarment. Bla dubju, bħal din l-​għalliema, int għandek moħħ miftuħ li jqanqlek tara x’hemm wara t-​twemmin u l-​imġiba t’oħrajn. Għala ma tistaqsix lix-​Xhieda taʼ Ġeħova għal studju tal-​Bibbja fid-​dar bla ħlas?

[Stampa f’paġna 17]

Anna tikteb il-​komponiment tagħha