Għanja 135
Jehovah, il-Post fejn Aħna Ngħammru
1. O Jah, il-post fejn aħna ngħammru
Għal bosta sekli inti kont.
Qabel għamilt int il-muntanji,
Kellek maestà b’mod profond.
Int bħala Alla kont minn dejjem;
U għal dejjem ma tinbidilx.
Għalkemm il-bniedem f’trab jispiċċa,
Għax tħbb, fdejtu biex ma jitbielx.
2. Elf sena jdumu tant ma jgħaddu,
Għalik huma biss qishom jum.
Il-bniedem bħall-ħaxix tal-għalqa
Li jgħix għal ftit, ma tantx idum.
Ngħixu nistgħu sa sebgħin sena,
Jew tmenin jekk saħħitna tfur;
Iżda il-bqija nkwiet jaqilgħu;
U mimlijin dawn b’kull dulur.
3. Għallimna ngħoddu tajjeb jiemna,
Biex nistgħu nkunu ferħanin.
Hekk kif għall-għerf nagħtu lil qlubna,
Xofftejna jagħtuk ħajr qegħdin.
O jalla sbuħitek, Jehovah,
Fuqna l-qaddejja tiegħek tkun.
Saħħaħ ix-xogħ’l kollu taʼ jdejna.
Saħħilna t-triq; Kun tagħna t-tmun.