Laqgħa Annwali fis-7 t’Ottubru, 2000
IL-LAQGĦA ANNWALI tal-membri tal-Watch Tower Bible and Tract Society of Pennsylvania se ssir fis-7 t’Ottubru, 2000, fis-Sala taʼ l-Assemblea tax-Xhieda taʼ Jehovah, 2932 Kennedy Boulevard, Jersey City, New Jersey. Fid-9:15 a.m. se tinżamm laqgħa preliminari li hija biss għal dawk li huma membri, u warajha ssir il-laqgħa annwali ġenerali fl-10:00 a.m.
Il-membri tal-korporazzjoni għandhom jinformaw lill-Uffiċċju tas-Segretarju issa rigward xi tibdil fl-indirizzi postali tagħhom li sar matul is-sena li għaddiet, ħalli b’hekk l-ittri taʼ l-avviżi li jintbagħtu normalment kif ukoll il-prokuri jkunu jistgħu jaslulhom f’Lulju.
Il-prokuri, li se jintbagħtu lill-membri flimkien maʼ l-avviż tal-laqgħa annwali, għandhom jintbagħtu lura biex jaslu fl-Uffiċċju tas-Segretarju tas-Soċjetà mhux iktar tard mill-1 t’Awissu. Kull membru għandu jimla u jibgħat lura l-prokura tiegħu minnufih, u jgħid jekk hux se jkun preżenti personalment għal-laqgħa jew le. L-informazzjoni mogħtija f’kull prokura għandha tkun definita fuq dan il-punt, ladarba se nużawha biex niddeterminaw min se jkun preżenti personalment.
Huwa mistenni li s-sessjoni kollha, inkluż il-laqgħa taʼ l-affarijiet formali u r-rapporti, se tkun intemmet sas-1:00 p.m. jew xi ftit wara. Mhux se jkun hemm sessjoni taʼ wara nofsinhar. Minħabba li l-ispazju huwa limitat, dawk li jkollhom il-biljett biss ikunu jistgħu jidħlu. Mhux se jsiru arranġamenti biex il-laqgħa annwali tiġi konnessa m’awditorji oħrajn permezz tal-linji tat-telefon.