Vidjo li Mess Qlub iż-​Żgħażagħ

ĦAFNA żgħażagħ ġew inkuraġġiti biex jikkunsidraw bis-​serjetà l-​kondotta tagħhom meta raw il-​vidjo Young People Ask​—How Can I Make Real Friends?a (Iż-Żgħażagħ Jistaqsu—Kif Jistaʼ Jkolli Ħbieb Veri?) F’dan il-​vidjo nsibu pariri skritturali f’lokhom, kummenti persunali minn żgħażagħ Kristjani, u drama moderna u effettiva bbażata fuq ir-​rakkont Bibliku taʼ Dina. (Ġenesi, kapitlu 34) Il-​kummenti li ġejjin dwar il-​vidjo huma mill-​Messiku.

Martha tirrakkonta: “Il-​vidjo verament messli qalbi. Kien daqslikieku kien magħmul apposta għalija. Kont naħseb li kien biżżejjed li l-​għalliema tiegħi u sħabi taʼ l-​iskola kienu jafu li jien waħda mix-​Xhieda taʼ Jehovah. Ma tajthom ebda prova taʼ dan għax inqast milli nagħtihom xiehda. Jien inħossni grata għall-​informazzjoni kollha li Jehovah jipprovdi, speċjalment meta din tant tmissilna qalbna bħalma għamel dan il-​vidjo.”

Juan Carlos jgħid: “Dan il-​vidjo veru jġagħlek taħseb. Bħala żagħżugħ, għamilt ċerti żbalji u b’hekk stajt nara lili nnifsi f’xi wħud mill-​karattri fid-​drama. Xi ftit tas-​snin ilu, kont ngħix ħajja doppja, imma rrealizzajt li ħajja bħal din tistaʼ ġġib biss konsegwenzi koroh. Issa li rajt il-​vidjo, jien determinat li nkun leali lejn Jehovah.”

Sulem tammetti: “Meta rajt il-​vidjo ħassejtni vera mqanqla. Kont ili ftit li waqaft naqra l-​Bibbja, u bilkemm kont qed nitlob lil Jehovah. Meta qgħadt nismaʼ l-​kummenti li għamlu ż-​żgħażagħ fil-​vidjo, ħassejtni mqanqla biex nerġaʼ nibda nistudja l-​Bibbja u nitlob lil Jehovah.”

Illum, iż-​żgħażagħ jiffaċċjaw ħafna sfidi, u l-​ħbieb li jagħżlu jistgħu jeffettwawhom ferm fil-​mod kif jgħixu. (Salm 26:4; Proverbji 13:20) Il-​vidjo Young People Ask​—How Can I Make Real Friends? qed jgħin lil ħafna wħud jagħmlu deċiżjonijiet tajbin f’dan ir-​rigward.

[Nota taʼ taħt]