Armageddon—Tmiem Katastrofiku?

ARMAGEDDON! Tqajjem din il-​kelma ħsibijiet taʼ distruzzjoni kbira jew t’univers jinħaraq? Ftit hemm espressjonijiet Bibliċi li saru parti mid-​diskors taʼ kuljum daqs il-​kelma “Armageddon.” It-​terminu ilu jintuża biex jiddeskrivi l-​prospetti koroh li se jiffaċċjaw il-​bnedmin. L-​industrija tad-​divertiment imliet l-​immaġinazzjoni tan-​nies b’xeni tal-​waħx t’“Armageddon” li hi riesqa. Il-​kelma hija mdawra b’misteri u ideat żbaljati. Filwaqt li hemm ħafna ideat dwar it-​tifsir tagħha, il-​maġġuranza minnhom m’humiex fi qbil maʼ dak li l-​Bibbja​—is-​sors taʼ l-​espressjoni​—tgħallem dwar Armageddon.

Ladarba l-​Bibbja torbot Armageddon maʼ “tmiem id-​dinja,” ma taqbilx li hu vitali li jkollna fehma ċara dwar xi tfisser eżatt din il-​kelma? (Mattew 24:​3, Għaqda Biblika Maltija) U ma jkunx raġunevoli li nduru lejn l-​aqwa sors taʼ verità, il-​Kelma t’Alla, sabiex insibu tweġibiet dwar x’inhi Armageddon u xi tfisser għalik u għall-​familja tiegħek?

Eżami bħal dan se juri li minflok ma ġġib tmiem katastrofiku, Armageddon se tintroduċi bidu taʼ ferħ għal dawk l-​uħud li jixtiequ jgħixu u jiffjorixxu f’dinja ġdida taʼ ġustizzja. Int se tingħata fehma ċara taʼ din il-​verità Skritturali vitali hekk kif tikkunsidra d-​diskussjoni dwar it-​tifsir veru t’Armageddon fl-​artiklu li jmiss.

[Kaxxa/Stampa f’paġna 3]

X’TAĦSEB LI HI ARMAGEDDON?

• Olokawst nukleari

• Diżastru fl-​ambjent

• Kolliżjoni taʼ xi meteorita maʼ l-​art

• Qerda tal-​ħżiena minn Alla