Nippreparaw Għal Attività Bir-​Rivisti F’April

Bħalma huwa nnotat fil-​kalendarju tagħna għall-​1996, L-​Ikla Taʼ Fil-​Għaxija Tal-​Mulej se tiġi ċċelebrata din is-​sena fit-​2 t’April. Inkuraġġiti b’din l-​okkażjoni grandjuża, ħalli lkoll kemm aħna nieħdu sehem fit-​tqassim tar-​rivisti matul April. X’rivisti f’waqthom se nkunu qegħdin nużaw! The Watchtower taʼ l-​1 t’April se jiffoka fuq it-​taħdita pubblika tal-​konvenzjoni distrettwali tas-​sena li għaddiet, “Faħħar Lis-​Sultan Taʼ L-​Eternità!” Il-​ħarġa tal-​15 t’April taʼ The Watchtower se tkompli fuq it-​tema tat-​taħdita pubblika speċjali t’April li għadda, “It-​Tmiem Tar-​Reliġjon Falza Huwa Qrib.” It-​taħdita speċjali taʼ din is-​sena fil-​21 t’April, “Nibqgħu Bla Tebgħa Fost Ġenerazzjoni Mgħawġa,” għandha tagħti spinta oħra. Se nkunu qegħdin noffru l-​ħarġa tat-​22 t’April taʼ l-​Awake! fuq is-​suġġett “When Wars Will Be No More” (“Meta L-​Gwerer M’Humiex Se Jkunu Iktar”).

Biex inkomplu mal-​kampanja tal-​Kingdom News li saret f’April tas-​sena l-​oħra, April li ġej għandu jkun xahar ideali għat-​tqassim tar-​rivisti. Issa huwa ż-​żmien li wieħed jippjana. Ħafna forsi jkunu jixtiequ jinkitbu bħala pijunieri awżiljarji. Skond ma jkun il-​bżonn, għandhom jiġu ordnati kopji żejda tar-​rivisti t’April. Jistgħu jsiru pjanijiet għal Ġranet Taʼ Tqassim Taʼ Rivisti, li fihom jieħu sehem kull min hu possibbli​—fil-​għodu, f’nofs in-​nhar, u/jew fil-​għaxija. Ħalli lkoll kemm aħna ‘nsiru dawk li jagħmlu l-​kelma.’ Bħalma ġie mbassar dwar il-​Messija f’Salm 69:​9, jalla aħna wkoll inkunu nistgħu ngħidu: “Iż-​żelu kollu kemm hu għal darek kielni.”​—Ġak. 1:22; Ġwann 2:17.