Laqgħat tas-Servizz għal Frar
Ġimgħa Li Tibda 5 Taʼ Frar
10 min: Avviżi lokali. Avviżi magħżulin minn Il-Ministeru Tas-Saltna. Aħbarijiet Teokratiċi.
15 min: “Nipproklamaw Il-Verità Kuljum Billi Nimitaw Lil Ġesù.” Mistoqsijiet u tweġibiet. Aqra paragrafu 5.
20 min: “Nuru Apprezzament Għal Il-Ktieb Tiegħi taʼ Stejjer mill-Bibbja.” Iddiskuti karatteristiċi imprezzabbli taʼ din il-pubblikazzjoni. Stieden lill-pubblikaturi biex jesprimu x’jogħġobhom personalment fil-ktieb u jirrakkontaw xi esperjenzi li setgħu kellhom bil-pubblikazzjoni.
Għanja 14 u talba taʼ l-għeluq.
Ġimgħa Li Tibda 12 Taʼ Frar
10 min: Avviżi lokali. Rapport tal-kontijiet.
13 min: “Nippreparaw Għal Attività Bir-Rivisti F’April.” Enfasizza l-valur taʼ It-Torri Taʼ L-Għassa u l-Awake! f’li nħabbru l-aħbar tajba. Aqra l-artiklu biż-żewġ paragrafi, u uri x’se tagħmel il-kongregazzjoni lokali biex April ikun xahar speċjali għat-tqassim tar-rivisti.
22 min: “X’Nistaʼ Nagħmel Biex Xi Ħadd Jagħti Widen?” Mistoqsijiet u tweġibiet. Agħżel żewġ pubblikaturi biex jiddiskutu kif se jipprovaw juru iktar kordjalità meta jkunu qegħdin jitkellmu fuq il-bibien, billi jużaw ftit mis-suġġerimenti mogħtijin fl-iSchool Guidebook, paġni 165-7, paragrafi 10-21.
Għanja 133 u talba taʼ l-għeluq.
Ġimgħa Li Tibda 19 Taʼ Frar
10 min: Avviżi lokali.
15 min: “Ibbenefika Mill-Iskola Tal-Ministeru Teokratiku Għall-1996—It-2 Parti.” Taħdita mill-indokratur tal-iskola. Isħaq fuq il-ħtieġa li naqraw il-Kelma t’Alla kuljum.
20 min: “Nagħmlu Użu Effettiv Minn Il-Ktieb Tiegħi taʼ Stejjer mill-Bibbja.” Mistoqsijiet u tweġibiet. Irrevedi l-preżentazzjonijiet issuġġeriti u agħmel turijiet fuqhom. Anzjan jiddiskuti maʼ żewġ jew tliet pubblikaturi l-karatteristiċi taʼ Il-Ktieb Tiegħi taʼ Stejjer mill-Bibbja u kif dawn jistgħu jiġu enfasizzati. Offri suġġerimenti kif wieħed jistaʼ jiżviluppa l-interess sal-punt li jistaʼ jinbeda studju tal-Bibbja.
Għanja 53 u talba taʼ l-għeluq.
Ġimgħa Li Tibda 26 Taʼ Frar
10 min: Avviżi lokali.
15 min: Nippreparaw Preżentazzjonijiet Li Jattiraw. Grupp taʼ tliet jew erbaʼ pubblikaturi jiddiskutu l-benefiċċji taʼ li jkollna preżentazzjonijiet minn dar għal dar li jittrattaw fuq xi ħaġa li hija taʼ interess lokali. Per eżempju, rapporti taʼ l-aħbarijiet lokali dwar sforzi kurrenti biex jitjieb il-livell tal-ħajja; tendenzi li dejjem jikbru taʼ problemi fiż-żwieġ, tfal delinkwenti, jew diffikultajiet biex jinstab xogħol; jew xi aħbarijiet li juru għala n-nies qegħdin isiru iktar xettiċi dwar soluzzjonijiet mogħtijin minn politikanti u minn membri tal-kleru. Semmu xi ġrajjiet kurrenti fil-komunità tagħkom u ddiskutu kif jistgħu jiġu wżati biex jinbdew konversazzjonijiet.
20 min: Noffru l-ktieb Tgħix Għal Dejjem matul Marzu. Indika xi ftit mill-karatteristiċi interessanti tal-ktieb li jistgħu jintużaw biex jinbdew konversazzjonijiet: (1) Iġbed l-attenzjoni lejn l-istampi li jolqtu l-għajn, bħal dawk misjubin f’paġni 11-13, 150-3, 156-7, 161-2. Stieden lill-udjenza biex turi liema stampi tħobb tuża u għala. (2) Uri t-titlu taʼ ċerti kapitli. Staqsi lill-inkwilin liema kapitlu jinteressah b’mod partikulari. Iddiskuti xi punt jew tnejn minn dak il-materjal speċifiku u ftiehem biex terġaʼ tmur ħalli tkompli tiddiskuti iktar fuq is-suġġett. (3) Irreferi għal paġni 150-3, u agħti suġġerimenti kif xi fatturi taʼ l-aħħar jiem jistgħu jintużaw biex iqanqlu interess. (4) Enfasizza kif il-ktieb huwa maħsub b’mod speċjali biex jiġu kondotti studji progressivi. Il-materjal huwa faċli biex wieħed jifhmu, skritturi qawwijin huma ċċitati, u mistoqsijiet li jqanqlu l-ħsieb jiffokaw fuq il-punti prinċipali. Ħeġġeġ lil kulħadd biex joffri l-ktieb bil-għan li jinbdew studji.
Għanja 151 u talba taʼ l-għeluq.